ᐃᓄᓕᒫᑦ ᐊᓐᓂᐊᓂᓕᕆᔭᐅᕕᖓᑕ ᐱᓇᓱᐊᕐᕕᖓᑦ ᐱᓇᓱᐊᖁᔭᐅᑐᐃᓐᓇᕆᐊᖃᓲᖑᕗᑦ ᓇᓗᓀᔦᒋᐊᖃᕐᓂᒥᒃ ᐊᕙᑎᐅᓪᓗ ᐃᓄᐃᓪᓗ ᓱᕐᕋᑕᐅᓂᖏᓐᓂᒃ ᐱᓇᓱᐊᕐᑕᐅᔪᖃᓕᑐᐊᕐᒪᑦ ᑕᒫᓂ ᓄᓇᖓᓂ, ᐅᔭᕋᓐᓂᐊᓃᑦ ᐃᓚᐅᑎᓪᓗᒋᑦ. ᑌᒣᒻᒪᑦ, ᐃᑉᐱᒋᔭᐅᔪᖃᕆᐊᖃᓲᖅ ᐃᓄᓕᒫᑦ ᖃᓄᐃᖏᓯᐊᕐᓂᖏᑦ ᑭᓪᓕᖃᕐᕕᐅᓯᐊᕋᓗᐊᕐᒪᖔᑕ ᑕᒪᑦᓱᒧᖓ ᓇᓗᓀᔭᕐᑕᐅᔪᖃᓯᑐᐊᕐᒪᑦ ᐊᒻᒪᓗ ᓄᑭᖃᕐᓱᑎᒃ ᑲᒪᒋᐊᑦᓴᐅᑎᒋᒍᓐᓇᕆᐊᒥᒃ, ᐱᓗᐊᕐᑐᒥᒃ ᐊᕐᕿᓱᐃᓂᒃᑯᑦ ᐃᒣᓕᒋᐊᖁᔨᒍᑎᓂᒃ.
ᓄᐃᑕᒌᕐᑐᑦ ᐅᔭᕋᓐᓂᐊᕖᑦ ᓄᓇᕕᒻᒥ
ᐅᔭᕋᓐᓂᐊᓄᑦ ᐱᓇᓱᐊᕐᑕᐅᒪᕆᓕᕐᑐᐃᑦᓄᓇᕕᒻᒥ
ᓄᓇᐅᑉ ᐱᐅᓯᕆᓯᒪᔭᖓᓄᑦ ᐅᑎᕐᑎᓯᓂᕐᒧᑦ ᐅᔭᕋᓐᓂᐊᕕᕕᓂᕐᓂ ᓄᓇᕕᒻᒥ
ᓄᐃᑕᒌᕐᑐᑦ ᐅᔭᕋᓐᓂᐊᕖᑦ ᓄᓇᕕᒻᒥ
ᕃᒃᓚᓐ ᐅᔭᕋᓐᓂᐊᕕᖓᓂ
ᐊᐅᓚᑕᐅᓂᖓ ᐱᒋᐊᕐᑎᑕᐅᓚᐅᕐᓯᒪᕗᖅ ᑏᓯᒻᐱᕆ 1997-ᒥ, ᕃᒃᓚᓐ ᐅᔭᕋᓐᓂᐊᕕᖓᑦ ᐱᖑᐊᓗᐃᑦ ᓴᓂᐊᓃᑦᑐᖅ (ᐱᖑᐊᓗᐃᑦ ᒥᕐᖑᐃᓯᕐᕕᖓᓂ) ᐊᒻᒪᓗ ᓴᓪᓗᐃᑦ ᑲᖏᕐᓱᔪᐊᕐᓗ ᓄᓇᓕᖏᑦᑕ ᓴᓂᐊᓂᒻᒥᓱᓂ. ᐅᔭᕋᓐᓂᐊᕕᐅᑉ ᓄᓇᖓ ᐊᖏᓂᖃᕐᑐᖅ 70 ᑭᓚᒦᑕᑲᓴᓐᓂᒃ (ᐅᖓᓯᓐᓂᓂᒃ) ᖃᕙᖕᖓᓂᕐᒥᑦ ᐊᑐᐊᕐᓂᒧᑦ, ᐊᒻᒪᓗ ᐅᔭᕋᕐᑕᖃᕐᓱᓂ nickel ᐊᒻᒪᓗ copper-ᓗᐊᖑᐊᓂᒃ.
ᑐᑭᓯᒋᐊᓪᓚᕈᒪᔪᖃᕐᐸᑦ, ᑕᑯᒋᐊᕐᑐᖃᕈᓐᓇᑐᖅ ᕃᒃᓚᓐ ᐅᔭᕋᓐᓂᐊᕕᖓᑕ ᖃᕆᑕᐅᔭᒃᑰᕕᖓᓂᒃ, ᐅᕙᓂ Glencore Raglan Mine (ᖃᓪᓗᓈᑎᑐᑦ ᑭᓯᐊᓂ)
ᓄᓇᕕᒻᒥ Nickel-ᒥ ᐅᔭᕋᓐᓂᐊᓂᖅ
ᓄᓇᕕᒻᒥ Nickel-ᒥᒃ ᐅᔭᕋᓐᓂᐊᕕᖓᑦ, ᓄᓇᖃᕐᓱᓂ 20-ᓂᒃ ᑭᓚᒦᑕᓂᒃ ᐊᑐᐊᕐᓂᖓᓂ ᕃᒃᓚᓐ ᐅᔭᕋᓐᓂᐊᕕᖓᓂᑦ, ᐊᐅᓚᑕᐅᒋᐊᓯᓚᐅᔪᕗᖅ 2014-ᒥ ᐆᒧᖓ ᑲᒻᐸᓂᒧᑦ Canadian Royalties Inc.
ᑐᑭᓯᒋᐊᓪᓚᕈᒪᔪᖃᕐᐸᑦ, ᑕᑯᒋᐊᕐᓗᒋᑦ Canadian Royalties Inc. ᖃᕆᑕᐅᔭᒃᑰᕕᖓ (ᖃᓪᓗᓈᑎᑐᑦ ᑭᓯᐊᓂ)
Goodwood ᐊᒻᒪᓗ Sunny 1 ᐅᔭᕋᓐᓂᐊᕕᖏᑦ
Tata Steel Minerals Canada Ltd. ᐅᔭᕋᓐᓂᐊᓲᑦ iron-ᒥᒃ ᓄᓇᕕᒻᒥ, 50 ᑭᓚᒦᑕᓂᒃ ᐅᖓᓯᓐᓂᓕᒻᒥᒃ ᓯᐊᕙᕕᐊᒥᑦ. ᑖᒃᑯᐊ ᐅᔭᕋᓐᓂᐊᕖᒃ ᒪᕐᕉᓂᒃ ᓄᓇᐅᑉ ᖄᖓᓃᑦᑐᓂᒃ ᐅᔭᕃᔭᕐᕕᐅᓲᑦ (Goodwood, Sunny 1). ᑖᒃᑯᓇᓂ ᐅᔭᕋᓐᓂᐊᕕᓐᓂ ᐱᓇᓱᐊᒐᖃᑐᐃᓐᓇᓲᑦ ᐅᔭᕃᔦᓂᕐᒥᒃ ᓅᑦᑎᕆᓂᕐᒥᓗ ᐅᔭᕋᖓᓂᒃ ᐊᒻᒪᓗ ᐅᔭᕋᑐᐃᓐᓇᓂᒃ, ᐱᐅᔫᓂᖓ ᑲᒪᒋᔭᐅᓲᖑᑦᓱᓂ ᓚᐸᑐᐊᒥ.
ᑐᑭᓯᒋᐊᓪᓚᕈᒪᔪᖃᕐᐸᑦ, ᑕᑯᒋᐊᕈᓐᓇᐳᑎᑦ Tata Steel Minerals Canada Ltd. ᖃᕆᑕᐅᔭᒃᑰᕕᖓᓂᒃ (ᖃᓪᓗᓈᑎᑐᑦ ᑭᓯᐊᓂ)
ᓄᓇᕕᒻᒥ ᐅᔭᕋᓐᓂᐊᑦ ᐱᓇᓱᐊᕐᑕᐅᓚᕆᓕᕐᓂᖏᓐᓄᑦ
ᕃᒃᓚ ᐅᔭᕋᓐᓂᐊᕕᖓᑕ ᐊᖏᓕᒋᐊᕐᑕᐅᓂᖓᑕ ᐱᓇᓱᐊᕐᑕᐅᓂᖓ, ᐱᓇᓱᐊᕐᑕᐅᓂᖓ 2 ᐊᒻᒪᓗ 3
Glencore Corporation Canada, ᐊᐅᓚᑦᓯᔨᐅᕗᖅ ᕃᒃᓚᓐ ᐅᔭᕋᓐᓂᐊᕕᖓᓂᒃ ᑲᑎᓐᓂᒥ, ᐱᕙᓪᓕᐊᑎᑦᓯᒍᒪᑦᓱᑎᒃ ᓄᑖᓂᒃ ᓄᓇᐅᑉ ᐊᑖᓂ ᐅᔭᕋᓐᓂᐊᓂᒃ ᐊᒻᒪᓗ ᐅᔭᕋᓐᓂᐊᓂᕐᒥᓂᒃ ᐱᓇᓱᐊᕈᒪᓂᖃᕐᓱᑎᒃ 2019 ᐊᕐᕌᒍᖓᑕ ᐅᖓᑖᓄᑦ, 20-ᓂᒃ ᐊᕐᕌᒍᕐᓂᒃ.
ᑐᑭᓯᒋᐊᓪᓚᕈᒪᔪᖃᕐᐸᑦ ᑕᑯᒋᐊᕐᑕᐅᒍᓐᓇᑐᖅ ᑖᑦᓱᒪ Kativik Environmental Quality Commission ᖃᕆᑕᐅᔭᒃᑰᕕᖓᑦ. (ᖃᓪᓗᓈᑎᑐᑦ ᑭᓯᐊᓂ)
Rare-earth ᐅᔭᕋᓐᓂᐊᕕᖓ Strange lake ᑕᓯᖓᓂ
ᐅᔭᕋᓐᓂᐊᕕᐅᒍᒪᔪᖅ ᐅᕙᓂ Zone-B-ᒥ Strange Lake-ᒥ ᑖᒃᑯᓄᖓ Quest Rare Minerals Ltd. ᑲᒻᐸᓂᖓᓄᑦ ᐃᓕᖓᔪᑦ rare earth-ᒧᑦ. ᑖᓐᓇ ᐅᔭᕋᓐᓂᐊᕕᐅᒍᒪᔪᖅ ᓄᓇᖃᕐᑐᖅ ᓛᐸᑐᐊᑉ ᓄᓇᖓᑕ ᑭᓪᓕᖓᓂ, 300 ᑭᓚᒦᑌᑦ ᐅᖓᑖᓄᕐᑐᓂᒃ ᑰᔾᔪᐊᓗ ᑲᖏᕐᓱᐊᓗᔾᔪᐊᓗ ᓯᕿᓂᖏᓐᓂ.
ᐃᓄᓕᒫᑦ ᐊᓐᓂᐊᓂᓕᕆᔭᐅᕕᖓᑕ ᐱᓇᓱᐊᕐᕕᖓ ᐊᕐᕿᓱᐃᓯᒪᔪᑦ ᐃᒣᓕᒋᐊᖁᔨᒍᑎᓂᒃ ᑕᒪᑦᓱᒧᖓ ᐊᓐᓂᐊᓂᓕᕆᓂᕐᒧᓗ ᐃᓄᓕᕆᓂᕐᒧᓗ ᐱᒍᑦᔨᒍᑎᓅᓕᖓᔪᓄᑦ ᐊᒻᒪᓗ ᒪᓂᓯᒪᑦᓱᒋᑦ ᑲᑎᕕᒃ ᓄᓇᒥᒃ ᓱᒃᑯᑕᐅᑎᑦᓯᑌᓕᔨᖏᓐᓄᑦ ᔪᓓ 2015-ᒥ ᐊᑐᐃᓐᓇᕈᕐᑎᒍᑎᒋᑦᓱᒍ ᐅᔭᕋᓐᓂᐊᕕᑦᓴᒥᒃ. ᑌᒃᑯᐊ ᐃᒣᓕᒋᐊᖁᔨᒍᑏᑦ ᑐᕌᖓᓂᖃᕐᐳᑦ ᐃᓱᒪᒋᔭᐅᓂᕐᓴᐅᖁᑦᓱᒋᑦ ᓄᓇᕕᒻᒥᐅᑦ ᖃᓄᐃᖏᓯᐊᕆᐊᖃᕐᓂᖏᑦ ᐃᓅᓯᖃᑦᓯᐊᕆᐊᖃᕐᓂᖏᓪᓗ ᑕᒪᓐᓇ ᐱᓇᓱᐊᕐᑕᐅᒍᒪᔪᖅ ᑕᑯᓐᓈᓱᒍ.
ᑐᑭᓯᒋᐊᓪᓚᕈᒪᔪᖃᕐᐸᑦ, ᑕᑯᒋᐊᕐᑕᐅᔪᖃᕈᓐᓇᑐᖅ ᐅᑯᓂᖓ Recommendations concerning health and social services issues for the preparation of the order for the rare-earth mining project in Zone-B of Strange Lake in Nunavik. (ᖃᓪᓗᓈᑎᑐᑦ ᑭᓯᐊᓂ)
ᑐᑭᓯᒋᐊᓪᓚᕈᒪᔪᖃᕐᐸᑦ, ᑐᑭᒋᐊᕐᑕᐅᔪᖃᕈᓐᓇᑐᖅ ᑲᑎᕕᒃ ᐊᕙᑎᒥᒃ ᓱᒃᑯᑕᐅᑎᑦᓯᑌᓕᔨᒃᑯᑦ ᖃᕆᑕᐅᔭᒃᑰᕕᖓᑦ. (ᖃᓪᓗᓈᑎᑐᑦ ᑭᓯᐊᓂ)
ᐊᐅᐸᓗᒻᒥ iron-ᒥᒃ ᐅᔭᕋᓐᓂᐊᓂᐅᑉ ᐱᓇᓱᐊᕐᑕᐅᓂᖓᓄᑦ
Oceanic Iron Ore ᑲᒻᐸᓂᐅᔪᖅ ᐱᓇᓱᐊᒐᖃᕐᓱᓂ ᐱᕙᓪᓕᐊᑎᑕᐅᔪᖃᕋᓱᐊᕐᑎᓗᒍ iron ᐅᔭᕋᑦᓴᔭᖏᓐᓂᒃ ᐅᖓᕙᐅᑉ ᓄᓇᖓᓂ. ᑕᒫᓂ ᐅᔭᕋᓐᓂᐊᕋᑦᓴᑕᖃᕐᐳᖅ ᐅᖓᓯᓐᓂᓕᒻᒥᑦ 10 ᑭᓚᒦᑕᓂᒃ ᐊᐅᐸᓘᑉ ᓄᓇᓕᖓᓂᒃ ᐃᓄᑦᑕᓕᒻᒥᒃ 200 ᐊᑖᓂᑦᑐᓂᒃ.
ᑐᑭᓯᒋᐊᓪᓚᕈᒪᔪᖃᕐᐸᑦ, ᑕᑯᒋᐊᕐᑕᐅᒍᓐᓇᑐᖅ ᖃᕆᑕᐅᔭᒃᑯᑦ ᐊᐅᐸᓘᑉ ᓴᓂᐊᓂ ᐱᓇᓱᐊᕐᑕᐅᒍᒪᔪᒧᑦ Oceanic Iron Ore. (ᖃᓪᓗᓈᑎᑐᑦ ᑭᓯᐊᓂ)
ᓄᖑᓱᐃᑦᑐᖅ/Uranium
ᐊᓪᓚᑕᐅᓯᒪᔪᓂᒃ ᑌᔭᐅᒍᓯᓕᓐᓂᒃ ᐃᒫᒃ “Pour un Nunavik qui a bonne mine : les enjeux de santé publique de la filière uranifère en milieu nordique” [ᐃᓄᓕᒫᑦ ᖃᓄᐃᖏᓯᐊᕐᓂᓕᕆᔭᐅᓂᖏᑦ ᐃᓕᖓᓂᖃᕐᑐᒧᑦ ᓄᖑᓱᐃᑦᑐᒥᒃ ᐅᔭᕋᓐᓂᐊᓂᕐᒧᑦ ᐃᓄᐃᑦ ᓄᓇᖏᓐᓂ] ᒪᓂᔭᐅᓚᐅᔪᕗᑦ ᐅᑯᓄᖓ Bureau d’audiences publiques sur l’environnement (BAPE) [ᐃᓄᓐᓂᒃ ᑐᑭᓯᓂᐊᕐᕕᖃᕐᓂᒧᑦ ᐊᕙᑎᓕᕆᓂᕐᒧᑦ], ᑖᒃᑯᐊ ᐊᓪᓚᓯᒪᔪᐃᑦ, ᐊᓪᓚᑕᐅᓯᒪᑦᓱᑎᒃ ᓄᓇᕕᒻᒥ ᐃᓗᓯᓕᕆᔩᑦ ᑲᑎᒪᔨᖏᑦᑕ ᐱᓇᓱᑦᑎᑕᖏᓐᓄᑦ, ᑲᒪᒋᔭᖃᕐᒪᑕ ᓱᕐᕃᒍᑎᐅᑐᐃᓐᓇᕆᐊᓕᓐᓂᒃ ᓄᓇᕕᒻᒥᐅᓂᒃ ᐃᓄᓕᒫᑦ ᖃᓄᐃᖏᓯᐊᕐᓂᖏᑦ ᑕᑯᓐᓈᑕᐅᓂᖃᕐᑎᓗᒍ. ᐱᓗᐊᕐᑐᒥᒃ, ᓄᐃᑕᑎᑕᐅᔪᖃᕐᑐᖅ ᐱᓇᓱᐊᑕᐅᓕᕇᕐᑐᓂᒃ ᐃᒣᓕᒋᐊᖁᔨᒍᑎᓂᓪᓗ ᐃᓕᖓᔪᓂᒃ ᒪᑭᑉᐸᓕᐊᒐᓱᐊᕐᓃᑦ ᓱᕐᕋᑕᐅᓂᖏᓐᓂᒃ, ᓱᕐᕃᒍᑎᓂᓪᓗ ᐃᓄᐃᑦ ᖃᓄᐃᖏᓯᐊᕐᓂᖏᓐᓂᒃ ᐃᓅᓯᖏᓐᓂᓗ, ᓱᕐᕃᒍᑎᓄᓪᓗ ᒪᙯᓐᓂᓂᒃ, ᐃᖃᓗᓐᓂᐊᓂᕐᓂᓗ ᐊᒻᒪᓗ ᑎᒍᓚᓂᕐᓂᒃ, ᓴᐳᑦᔨᓯᒪᓂᕐᒥᓗ ᐱᓇᓱᑦᑎᓂᒃ, ᓱᕐᕃᒍᑎᓂᓪᓗ ᐊᓐᓂᐊᓂᓕᕆᓂᕐᒧᑦ ᐱᒍᑦᔨᒍᑏᑦ ᐊᕐᕿᓱᕐᑕᐅᒪᓂᖏᓐᓂᒃ ᐊᒻᒪᓗ ᐃᓄᓐᓄᑦ ᖃᓄᐃᒋᔭᐅᖏᑑᓂᖏᓐᓄᑦ.
ᑐᑭᓯᓂᐊᕐᑕᐅᒍᒪᔪᖃᕐᐸᑦ ᐊᓪᓚᑕᐅᓯᒪᔪᓂᒃ ᒪᓂᔭᐅᓯᒪᔪᓂᒃ ᓄᓇᕕᒻᒥ ᐃᓄᓕᒫᑦ ᐊᓐᓂᐊᓂᓕᕆᔭᐅᓂᖏᑦᑕ ᐱᓇᓱᐊᕐᕕᖓᓄᑦ ᑖᒃᑯᓄᖓ ᐅᔭᕋᓐᓂᐊᒥᒃ ᑐᑭᓯᓂᐊᕐᑎᓄᑦ BAPE ᐊᒻᒪᓗ ᑲᑎᕕᒃ ᐊᕙᑎᒧᑦ ᖃᓄᐃᓕᒋᐊᖁᔨᔩᑦ ᑲᑎᒪᔨᐊᐱᖏᓐᓄᑦ ᑏᓯᒻᐱᕆ 2014-ᒥ (PDF).
ᐱᔭᐅᒍᒪᔪᖃᕐᐸᑦ BAPE-ᑯᑦ ᑐᓴᕐᑎᓯᒍᑎᖏᓐᓂᒃ ᑕᒪᑦᓱᒧᖓ ᓄᖑᓱᐃᑦᑐᖅ ᐅᔭᕋᓐᓂᐊᓂᓕᕆᔭᐅᓂᖓᓄᑦ, ᑕᑯᒋᐊᕈᓐᓇᐳᑎᑦ (ᖃᓪᓗᓈᑎᑐᑦ ᑭᓯᐊᓂ).
ᓄᓇᐅᑉ ᐱᐅᓯᕆᓯᒪᔭᖓᓄᑦ ᐅᑎᕐᑎᓯᓂᕐᒧᑦ ᐅᔭᕋᓐᓂᐊᕕᕕᓂᕐᓂ ᓄᓇᕕᒻᒥ
2001-2002-ᒥ, ᖃᐅᔨᓴᕐᑕᐅᔪᖃᕐᓯᒪᕗᖅ 193-ᖑᑐᐃᓐᓇᕆᐊᓕᓐᓂᒃ ᐅᔭᕋᓐᓂᐊᕕᑦᓴᓂᒃ ᕿᓂᕐᕕᐅᓯᒪᔪᓂᒃ ᓄᓇᕕᒻᒥ. ᑖᒃᑯᐊ ᐅᓄᕐᓂᖏᓐᓂᑦ, 90-ᓂᒃ ᓄᓇᓂᒃ ᓱᕐᖁᐃᑕᐅᔪᖃᓚᐅᔪᕗᖅ ᐃᐱᕃᓐᓇᑕᐅᓯᒪᒋᐊᖏᓐᓂᒃ. ᑖᒃᑯᓇᖕᖓᑦ 90-ᓂᑦ, 18-ᖑᔪᑦ ᓇᓗᓀᕐᑕᐅᓚᐅᔪᔪᑦ ᐱᓇᓱᐊᕐᑕᐅᒪᕆᒋᐊᖃᕐᑎᓗᒋᑦ ᐅᑎᕐᑎᑕᐅᓂᖃᓕᕈᑎᒃ, 27-ᖑᔪᑦ ᐱᓇᓱᐊᕐᑕᐅᓂᖏᑦ ᕿᑎᖓᓃᓐᓂᖃᕐᑎᓗᒋᑦ ᐊᒻᒪᓗ 45-ᖑᔪᑦ ᐊᖏᔪᖏᑐᒥᒃ ᐱᓇᓱᐊᕐᑕᐅᒋᐊᖃᕐᑎᓗᒋᑦ.
2007-ᒥ, ᐅᔭᕋᓐᓂᐊᑏᑦ ᑲᒻᐸᓂᖏᑦ ᐊᖏᖃᑎᒌᓚᐅᕐᓯᒪᕗᑦ ᓄᐃᑦᓯᒍᒪᑦᓱᑎᒃ ᐆᒥᖓ Fonds Restor-Action Nunavik, ᑮᓇᐅᔭᖃᕐᑎᓯᒍᑎᐅᓂᐊᕐᑎᓗᒍ ᐅᑎᕐᑎᓯᓂᕐᒧᑦ ᐱᐅᓯᕆᔭᐅᓯᒪᔪᓄᑦ ᐅᔭᕋᓐᓂᐊᕕᑦᓴᓂᒃ ᕿᓂᕐᕕᕕᓂᕐᓂᒃ ᐊᒥᓱᐃᑦ ᐊᕐᕌᒍᐃᑦ ᐊᓂᒍᕐᓯᒪᓕᕐᑎᓗᒋᑦ ᓄᓇᕕᒻᒥ. ᐅᑦᑑᐱᕆ 2007-ᒥ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ, ᒪᑭᕝᕕᒃ, ᑯᐯᒃᑯᑦ ᐅᔭᕋᓐᓂᐊᓂᓕᕆᔨᖏᑦ ᐊᒻᒪᓗ FRAN-ᑯᑦ ᐊᑎᓕᐅᖃᑎᒌᓚᐅᕐᔪᕗᑦ ᑮᓇᐅᔭᖃᕐᑎᓯᓂᕐᒧᑦ ᐊᖏᖃᑎᒌᒍᑎᒥᒃ ᓄᓇᐅᑉ ᐱᐅᓯᕆᓯᒪᔭᖓᓄᑦ ᐅᑎᕐᑎᓯᓂᕐᒨᓕᖓᔪᓂᒃ ᓄᓇᒦᑦᑐᓕᒫᓂᒃ ᐱᓇᓱᐊᕐᑕᐅᒪᕆᐊᓕᓐᓅᓕᖓᔪᓂᒃ ᓇᑯᕐᑑᒪᑦ ᑕᒪᓐᓇ ᖃᐅᔨᓴᕐᑕᐅᓚᐅᕐᓯᒪᑎᓪᓗᒍ.