- ᓱᓇᐅᕙ ᐃᒻᒥᓂᕿᒍᓐᓇᖏᑦᑐᒥᒃ ᑲᒪᔨ?
- ᖃᓄᖅ ᐊᑦᔨᒌᖕᖏᑑᕚᒃ ᐃᒻᒥᓂᕿᒍᓐᓇᖏᑦᑐᓂᒃ ᑲᒪᔨ ᐊᒻᒪᓗ ᑲᒪᔨ?
- ᐊᑦᔨᒌᖕᖏᑐᑦ ᑲᒪᔩᑦ
- ᑲᒪᔨᐅᒍᒪᒐᔭᕐᖀᑦ?
- ᖃᐅᔨᒋᐊᕐᕕᐅᒍᓐᓇᑐᑦ
ᓱᓇᐅᕙ ᐃᒻᒥᓂᕿᒍᓐᓇᖏᑦᑐᒥᒃ ᑲᒪᔨ?
ᐃᒻᒥᓂᕿᒍᓐᓇᖏᑦᑐᒥᒃ ᑲᒪᔨ ᓴᐳᒻᒥᔨᐅᓲᖅ ᐃᓄᓐᓄᑦ ᐃᓗᓯᕐᓘᑎᓕᓐᓄᑦ, ᑎᒥᒥᒍᑦ ᐱᒍᓐᓇᓯᐊᖕᖏᑐᓄᑦ, ᐋᓐᓂᐊᑲᑕᓲᓄᑦ ᐃᒻᒥᓂᕿᒍᓐᓀᓯᒪᔪᓄᓪᓘᓃᑦ ᐱᓇᓱᒐᕆᑦᓱᒍ.
ᐃᒻᒥᓂᕿᒍᓐᓇᖏᑦᑐᒥᒃ ᑲᒪᔩᑦ ᐱᓇᓱᒐᖃᕈᓐᓇᑐᑦ ᐊᑦᔨᒌᖕᖏᑐᓂᒃ ᓄᓇᕕᒻᒥ, ᐃᓚᐅᑎᓪᓗᒍ ᐃᓄᑐᙯᑦ ᐊᓂᕐᕋᖏᓐᓂ, ᓄᓇᓕᒻᒥ ᑎᒥᐅᔪᓂ ᓄᓇᓕᒻᒥᓗᓐᓃᑦ ᐋᓐᓂᐊᕕᓐᓂ. ᐊᕐᖁᑎᒋᑦᓱᒋᑦ
ᐊᓂᕐᕋᒥ ᐃᒥᓐᓂᕿᒍᓐᓇᕈᓐᓀᑐᓂᒃ ᐃᑲᔪᕈᑏᑦ , ᐃᒻᒥᓂᕿᒍᓐᓇᖏᑦᑐᓂᒃ ᑲᒪᔩᑦ ᑐᕃᓐᓇᑐᒥᒃ ᐱᓇᓱᑦᑎᑖᖑᒍᓐᓇᒥᔪᑦ ᑭᖕᖑᒪᒋᔭᖃᕐᑐᒧᑦ ᐊᓂᕐᕋᒥᓂ ᐃᑲᔪᕐᑎᖃᕆᐊᓕᒻᒧᑦ.
ᑲᒪᔨᑎᑐᑦ, ᐃᒻᒥᓂᕿᒍᓐᓇᖏᑦᑐᓂᒃ ᑲᒪᔩᑦ ᐱᒻᒪᕆᒻᒥᒃ ᐱᓇᓱᒐᖃᓲᑦ ᐃᓄᓐᓂᒃ ᐃᑲᒧᕐᓱᑎᒃ ᐃᒻᒥᕿᒍᓐᓇᑎᑦᓯᓱᑎᒃ, ᐃᓅᓯᖓᓂᒃ ᐃᓱᐊᕐᑑᑎᑦᓯᓱᑎᒃ ᐱᑐᑦᓯᒪᖃᑎᖃᕐᑎᓯᓱᑦᓱᑎᓪᓗ ᓄᓇᓕᒻᒧᑦ.
ᖃᓄᖅ ᐊᑦᔨᒌᖕᖏᑑᕚᒃ ᐃᒻᒥᓂᕿᒍᓐᓇᖏᑦᑐᒥᒃ ᑲᒪᔨ ᐊᒻᒪᓗ ᑲᒪᔨ?
ᐊᒥᓱᓂᒃ ᐱᒍᓐᓇᓂᖃᓲᑦ ᑲᒪᔨᑦᓯᐊᖑᒍᑎᐅᒋᐊᓕᓐᓂᒃ ᐃᒻᒥᓂᕿᒍᓐᓇᖏᑦᑐᓂᒃ ᑲᒪᔨᑦᓯᐊᒍᑎᐅᓲᖑᒻᒥᔪᑦ: ᓂᑲᒍᓱᓐᓂᖅ, ᕿᓄᐃᓵᕈᓐᓇᓂᖅ, ᑕᑎᒋᔭᐅᒍᓐᓇᓂᖅ ᐊᓯᒥᓂᓪᓗ ᐃᑲᔪᕈᒪᑦᓯᐊᓂᖅ.
ᐃᓚᖏᑦ ᐃᒻᒥᓂᕿᒍᓐᓇᖏᑦᑐᓂᒃ ᑲᒪᔩᑦ ᓄᓇᕕᒻᒥ ᐃᓕᓐᓂᐊᑎᑕᐅᓯᒪᔪᑦ, ᐃᓚᖏᓪᓗ ᐃᓅᓯᕐᒥᓂ ᐊᑑᑎᓯᒪᔭᒥᒍᑦ ᐱᓇᓱᐊᓲᑦ ᐱᓇᓱᐊᕐᑕᒥᓂ ᐱᒍᓐᓇᓯᐊᕐᓱᑎᒃ. ᑕᒪᒋᓐᓂ, ᐱᓇᓱᐊᕐᑕᖓ ᓴᐳᒻᒥᒐᓱᐊᖏᓐᓇᓕᒫᕐᑐᖅ ᐊᓯᒥᓂᒃ.
ᐊᑦᔨᐅᖏᑦᑑᒍᑎᖓ ᑲᒪᔨᐅᑉ ᓴᐳᒻᒥᔨᐅᓲᖅ ᐃᓅᖃᑎᖃᕐᓂᖓᓂᒃ, ᐃᒻᒥᓂᕿᒍᓐᓇᖏᑦᑐᒥᒃ ᑲᒪᔨ ᐊᑭᓕᕐᑐᑕᐅᑦᓱᓂ ᐃᓪᓓᓐᓈᒍᑦ ᐱᓇᓱᐊᕐᑎᓗᒍ. ᑌᒣᒐᓗᐊᕐᑎᓗᒍ, ᓄᓇᕕᒻᒥ ᑖᒃᑯᐊ ᐃᓚᖓᓂᑦ ᐊᑕᐅᑦᓯᑰᓲᒃ. ᐃᒻᒥᓂᕿᒍᓐᓇᖏᑦᑐᒥᒃ ᑲᒪᔨ ᖃᐅᔨᒻᒫᕆᒌᕐᑕᒥᓂᒃ ᐱᓇᓱᐊᓲᖅ ᐃᓚᒥᓂᒃ, ᐃᓚᓐᓈᒥᓂᒃ ᓄᓇᓕᒻᒧᓗᓐᓃᑦ ᐱᑐᑦᓯᒪᖃᑎᐅᔪᒥᒃ ᓄᓇᕐᖃᑎᒥᓂᒃ.
ᑖᒃᑯᐊ ᐃᒻᒥᓂᕿᒍᓐᓇᖏᑦᑐᒥᒃ ᑲᒪᔨ ᐊᒻᒪᓗ ᑲᒪᔨ ᑭᖕᖒᒪᓇᓪᓚᕆᑦᑐᑦ ᓄᓇᕕᒻᒥ ᐃᓚᒌᓄᑦ, ᓄᓇᓕᓐᓄᑦ ᐃᓗᓯᓕᕆᓂᕐᒥᓗ ᐃᓄᓕᕆᓂᕐᒥ.
ᐊᑦᔨᒌᖕᖏᑐᑦ ᐃᒻᒥᓂᕿᒍᓐᓇᖏᑦᑐᓂᒃ ᑲᒪᔩᑦ ᓄᓇᕕᒻᒥ:
ᐃᒻᒥᓂᕿᒍᓐᓇᖏᑦᑐᓂᒃ ᑲᒪᔩᑦ ᑎᒥᐅᔪᓄᑦ ᐱᓇᓱᐊᕐᑐᑦ
ᐃᓚᖏᑦ ᓄᓇᓖᑦ ᐊᑭᓕᕐᑐᐃᓲᑦ ᐃᒻᒥᓂᕿᒍᓐᓇᖏᑦᑐᓂᒃ ᑲᒪᔨᓂᒃ. ᐆᑦᑐᕋᐅᑎᒋᑦᓱᒋᑦ ᒪᑯᐊ ᐊᔭᒍᑕᖅ ᐃᓄᑐᙯᑦ ᐊᓂᕐᕋᖓᑦ ᐃᓄᑦᔪᐊᒥ ᐊᒻᒪᓗ ᕿᓚᖕᖑᐊᓈᖅ ᑲᖏᕐᓱᔪᐊᒥ.
ᐃᒻᒥᓂᕿᒍᓐᓇᖏᑦᑐᓂᒃ ᑲᒪᔩᑦ ᐋᓐᓂᐊᕕᓐᓂ
ᐅᑭᐅᕐᑕᑐᒥ ᐃᑲᔪᕐᑏᑦ ᐃᓄᑐᖃᖃᐅᑎᓂ ᐋᓐᓂᐊᕕᓐᓄᑦ ᐊᐅᓚᑕᐅᔪᓂ ᖃᐅᑕᒫᑦ ᐃᑲᔪᕆᐊᕐᓯᒪᓲᑦ. ᐃᓚᒌᓂᒃ ᐃᑲᔪᕐᑏᑦ (ᐅᖓᕙᒥ ᑐᓚᑦᑕᕕᒻᒥ) ᐊᒻᒪᓗ ᐃᓚᒌᓂᒃ ᓴᐳᒻᒥᔩᑦ (ᐃᓅᓕᑦᓯᕕᒻᒥ) ᐱᓇᓱᖃᑎᐅᓲᑦ ᐊᓂᕐᕋᓯᒪᑦᓱᑎᒃ ᐋᓐᓂᐊᓯᐅᕐᑎᓄᑦ ᐅᐸᑦᑕᐅᒋᐊᖃᓲᓂᒃ ᓴᐳᒻᒥᔨᐅᑦᓱᑎᒃ ᐊᓂᕐᕋᓯᒪᑦᓱᑎᒃ ᐃᒻᒥᓂᕿᒍᓐᓇᕈᓐᓀᓯᒪᔪᓂᒃ.
ᑲᒪᒋᒋᐊᖃᓲᖏᑦ ᒪᑯᐊᖑᒍᓐᓇᑐᑦ:
- ᑎᒥᒃᑯᑦ ᓴᓗᒪᒐᓱᐊᕐᓂᖅ ᐃᓘᓐᓇᓂᐊᓕᕐᐸᑕᓗ ᐃᑲᔪᕐᑎᐅᓂᖅ
- ᖁᕐᕕᓕᐊᕆᐊᖃᓕᕐᐸᑕ ᐃᑲᔪᕐᑎᐅᓂᖅ
- ᓂᕐᓯᐅᓂᖅ ᓂᕆᒃᑫᓂᕐᓗ
- ᐊᓐᓄᕌᕆᓂᖅ ᐊᓐᓄᕌᖏᓐᓂᓗ ᐊᓯᑦᔩᓂᖅ
- ᓂᒪᓐᓂᖏᒍᑦ ᐃᑲᔪᕐᓂᖅ
- ᐃᓪᓗᒥᒃ ᓴᓗᒪᑎᑦᓯᓂᖅ ᐅᕝᕙᕆᐊᓕᓐᓂᓗ ᐅᕝᕙᑎᐅᓂᖅ
3. ᐃᒻᒥᓂᕿᒍᓐᓇᖏᑦᑐᓂᒃ ᑲᒪᔨᐅᑫᓐᓇᖃᑦᑕᓲᑦ ᐊᓂᕐᕋᓯᒪᔪᓂᒃ ᐃᑲᔪᕈᑏᑦ
ᐱᓇᓱᒐᐅᒍᓐᓇᒥᔪᖅ ᐃᒻᒥᓂᕿᒍᓐᓇᖏᑦᑐᓂᒃ ᑲᒪᔨᓄᑦ ᓄᓇᕕᒻᒥ ᐊᑑᑎᔭᐅᒍᓐᓇᑐᖅ ᐊᓂᕐᕋᒥ ᐃᒥᓐᓂᕿᒍᓐᓇᕈᓐᓀᑐᓂᒃ ᐃᑲᔪᕈᑏᑦ. ᑖᒃᑯᑎᒎᓇ ᐱᓇᓱᐊᕐᑎᓯᒍᑎᑎᒍᑦ, ᑲᒪᔩᑦ ᐱᓇᓱᑦᑎᑖᖑᓲᑦ ᑭᖕᖒᒪᑦᓯᔪᓄᑦ ᐱᒍᑦᔭᐅᒋᑎᖃᕆᐊᓕᓐᓄᑦ, ᐅᕝᕙᓗᓗᓐᓃᑦ ᑖᑦᓱᒪ ᐃᓅᑉ ᑭᒡᒐᑐᕐᑎᖓᓄᑦ ᖃᐅᔨᒪᔨᖓᓄᑦ.
ᐃᒻᒥᓂᕿᒍᓐᓇᖏᑦᑐᓂᒃ ᑲᒪᔩᑦ ᐃᓚᒌᓂᒃ ᐃᑲᔪᕐᑎᐅᒍᓐᓇᑐᑦ, ᓯᓚᕐᖃᑎᒥᓂᒃ, ᐃᓚᓐᓈᒥᓂᒃ ᖃᐅᔨᒪᔮᕆᓐᓂᖏᑦᑕᕋᓗᐊᒥᓂᓗᓐᓃᑦ, ᐊᖏᖃᑎᒌᓯᒪᑦᓯᐊᓗᑎᒃ ᐱᓇᓱᒍᑎᒋᓂᐊᕐᑕᖏᓐᓂᒃ.
ᐱᓇᓱᐊᕈᒪᒐᔭᕐᖀᑦ ᓄᓇᓕᓐᓂ ᐃᒻᒥᓂᕿᒍᓐᓇᖏᑦᑐᒧᑦ ᐃᑲᔪᕐᑎᐅᓗᑎᑦ?
ᑕᑎᒋᔭᐅᒍᓐᓇᕈᕕᑦ ᑲᒪᑦᓯᐊᕈᓐᓇᓗᑎᓪᓗ ᐃᓪᓗᒥᒃ ᓴᓗᒪᑎᑦᓯᒍᓐᓇᓗᑎᑦ, ᐃᒐᒍᓐᓇᓗᑎᑦ, ᐃᓄᒻᒥᒃ ᓴᐳᒻᒥᒍᓐᓇᓗᑎᑦ ᐊᓯᑎᓐᓂᓘᓐᓃᑦ ᐃᑲᒧᕈᓐᓇᓗᑎᑦ ᓄᓇᓕᓐᓄᑦ ᑭᖕᖒᒪᒋᔭᐅᕗᑎᑦ.
ᐊᑐᕐᓗᒋᑦ ᐊᓂᕐᕋᓯᒪᔪᓂᒃ ᐃᒻᒥᓂᕿᒍᓐᓇᖏᑦᑐᓂᒃ ᐃᑲᔪᕐᑎᐅᓂᕐᒧᑦ ᑮᓇᐅᑦᔭᓴᕈᑏᑦ
ᐊᓂᕐᕋᒥ ᐃᒥᓐᓂᕿᒍᓐᓇᕈᓐᓀᑐᓂᒃ ᐃᑲᔪᕈᑏᑦ, ᑲᒪᔩᑦ ᐃᑲᔪᓲᑦ ᐃᓄᑐᖃᕐᓂᒃ ᐃᒻᒥᓂᓪᓗ ᐱᒍᓐᓇᖏᕐᓯᒪᔪᓂᒃ ᐊᓂᕐᕋᓯᒣᓐᓇᕈᓐᓇᑎᑦᓯᓱᑎᒃ ᓄᓇᓕᒻᒥᓄᓪᓗ ᐱᑐᑦᓯᒪᖃᑎᐅᖏᓐᓇᑎᑦᓯᓱᑎᒃ.
ᐱᓇᓱᒐᕐᑖᕋᓱᐊᕈᓐᓇᑐᑎᑦ ᖃᕆᑕᐅᔭᒃᑯᑦ ᐊᓪᓚᒉᑦ ᐊᑐᕐᓗᒋᑦ.
ᐃᒻᒥᓂᕿᒍᓐᓇᖏᑦᑐᓂᒃ ᑲᒪᔨᐅᓂᕐᒧᑦ ᐱᕙᓪᓕᖁᑎᑖᖑᓲᑦ:
- ᑮᓇᐅᑦᔭᓴᓲᑦ $30 ᑫᕙᓪᓚᒍᓯᑕᒫᑦ
- ᐅᓪᓗᖁᑎᖏᑦ ᐊᓯᑦᔨᑕᕈᓐᓇᑐᑦ, ᐃᓚᐅᑎᓪᓗᒋᑦ ᐅᓐᓄᑯᑦ ᐱᓇᓱᐊᕈᓯᐅᓪᓗ ᓄᖕᖑᐊᓂ
- ᑫᕙᓪᒪᒍᓯᖏᑦ ᐊᑦᔨᒌᖕᖏᑑᒍᓐᓇᑐᑦ ᐊᑐᐃᓐᓇᐅᒍᓐᓇᓂᖓ ᒪᓕᓪᓗᒍ ᐱᓇᓱᑦᑎᐅᑉ
- ᐱᓇᓱᒐᑦᓯᐊᖅ ᓄᓇᕐᖃᑎᒥᓂᒃ ᐃᑲᔪᕐᓱᓂ
- ᐃᓅᓯᕆᔭᐅᔪᒥᒃ ᐃᑲᔪᕐᓯᓚᕆᒍᓐᓇᑐᖅ ᐊᑐᕐᓂᖃᓪᓚᕆᑦᑐᒥᒃ
ᖃᐅᔨᒋᐊᕐᕕᐅᒍᓐᓇᑐᑦ
- ᖃᕆᑕᐅᔭᐅᑉ ᐊᓪᓚᑖᕐᕕᖓᒍᑦ: Access.specialcareprograms.nunavik@ssss.gouv.qc.ca
- Facebook: Nunavik – Access Point for Special Care Programs