ᑎᖑᓪᓗᓇᕐᑐᖅ A ᐁᑦᑐᑑᑕᐅᒍᓐᓇᓱᓂ ᐋᓐᓂᐊᑖᕆᔭᐅᓲᒍᕗᖅ ᑎᖑᒃᑯᑦ.
ᖃᓄᖅ ᐃᕐᐸᓲᒍᕙ
ᑎᖑᓪᓗᓇᕐᑐᖅ A ᐁᑦᑐᑑᑕᐅᓲᒍᕗᖅ ᖁᐱᕐᕈᒥᒃ ᐄᓯᔪᖃᑐᐊᕐᒪᑦ ᐊᑦᑐᐃᔪᕕᓂᐅᓗᓂ ᓱᓇᑐᐃᓐᓇᒥᒃ ᓂᕆᔪᕕᓂᐅᔪᖃᑐᐊᕐᒪᓘᓐᓃᑦ ᐃᒥᕐᑐᕕᓂᐅᔪᖃᑐᐊᕐᒪᓘᓐᓃᑦ ᖁᐱᕐᕈᑕᑦᓯᔭᐅᔪᕕᓂᕐᒥᒃ ᑎᖑᓪᓗᓇᕐᑐᓕᒻᒧᑦ.
ᒪᑯᑎᒎᓇ ᐃᕐᐸᑎᑕᐅᕙᓪᓗᓲᒍᑦᓱᓂ:
- ᐊᑦᑐᐃᔪᕕᓂᐅᔪᖃᑐᐊᕐᒪᑦ ᐊᓇᖓᓂᒃ ᑎᖑᓪᓗᓇᕐᑐᓕᐅᑉ, ᓇᖏᓖᔪᕕᓂᐅᔪᖃᑐᐊᕐᒪᓗ (ᖁᐃᖏᓕᑕᑦᓰᔪᕕᓂᐅᔪᖃᑐᐊᕐᒪᓗ) ᐊᓀᔦᔪᕕᓂᐅᔪᖃᑐᐊᕐᒪᓘᓐᓃᑦ.
- ᓂᕆᔪᖃᑐᐊᕐᒪᑦ ᐃᒥᕐᑐᖃᑐᐊᕐᒪᓘᓐᓃᑦ ᑎᖑᓪᓗᓇᕐᑐᓕᐅᑉ A-ᒥᒃ ᐊᑦᑐᑕᕕᓂᖓᓂᒃ ᖁᐱᕐᕈᑕᓕᒻᒥᒃ. ᒪᑯᐊ ᐊᑦᑐᑕᐅᓯᒪᔪᕕᓂᐅᒍᓐᓇᑐᑦ ᐃᒪᖅ, ᓂᓚ, ᓯᑦᔭᒥᐅᑌᑦ (ᐆᑦᑐᕋᐅᑎᒐ ᐅᕕᓗᐃᑦ) ᖃᓚᒻᒣᑐᐃᓪᓘᓃᑦ ᖁᐊᕐᓯᒪᔪᐃᓪᓘᓃᑦ ᒪᒪᕐᑐᐃᑦ ᐱᕈᕐᑐᕕᓃᑦ ᐱᕈᕐᑐᕕᓃᓪᓗ.
ᑎᖑᓪᓗᓇᕐᑐᓕᒃ ᐁᑦᑐᑑᑎᖃᑐᐃᓐᓇᕆᐊᓕᒃ ᒪᓗᓐᓇᐅᑎᖃᓚᐅᕋᓂᓘᓐᓃᑦ.
ᐃᓚᖏᑦ ᐁᑦᑐᑕᐅᓯᒪᔪᑦ ᒪᓗᓐᓇᐅᑎᖃᓲᒍᖕᖏᑐᑦ; ᑲᒃᑲᓛᑦ ᐱᐊᕃᑦ ᒥᑭᔪᖕᖑᐊᒍᓂᕐᓭᑦ ᒪᓗᓐᓇᐅᑎᖃᓪᓚᕆᓲᒍᖕᖏᑐᖅ.
ᑭᓯᐊᓂᓕ, ᐁᑦᑑᑎᖃᕈᓐᓇᓲᑦ ᑎᖑᓪᓗᓇᕐᑐᒥᒃ A-ᒥᒃ ᐊᓯᒥᓄᑦ.
ᒪᓗᓐᓇᐅᑎᐅᓲᑦ
ᒪᓗᓐᓇᐅᑎᐅᒍᓐᓇᑐᑦ ᒪᑯᐊ ᐆᓇᕐᓂᖅ, ᓂᕆᒍᒣᕐᓯᒪᓂᖅ, ᒥᕆᐊᖕᖑᓱᖃᑦᑕᓂᖅ, ᒥᕆᐊᑎᒋᖃᑦᑕᓂᖅ, ᐊᓇᑭᑕᕐᓂᖅ (ᐃᑎᑦᑕᓂᖅ) ᓴᓐᓂᖃᑦᑕᓂᖅ ᖁᕐᓱᓯᓯᒪᓂᕐᓗ ᐃᔨᒃᑯᑦ ᐅᕕᓂᒃᑯᓗ (jaundice-ᒍᓂᕋᕐᑕᒥᒃ). ᑕᕐᖀᒃ ᒪᕐᕉᒃ ᐅᖓᑖᓅᖕᖏᑐᖅ ᖃᓂᒪᑦᓱᓂ, ᐅᖓᑖᓅᕈᓐᓇᕋᓗᐊᕐᒥᓱᓂ.
ᑎᖑᓐᓗᓇᕐᑐᑖᕐᑌᓕᒍᓐᓇᓂᖅ A-ᒥᒃ
1. ᑲᐱᔭᐅᓯᒪᓂᖅ
ᑎᖑᓪᓗᓇᕐᑐᖅ A ᐋᓐᓂᐊᑖᕆᔭᐅᑦᑌᓕᒍᓐᓇᐳᖅ ᑲᐱᔭᐅᓯᒪᒍᑎᐅᒍᓂ.
ᑎᖑᓪᓗᓇᕐᑐᑖᕐᑌᓕᒍᑎᑦᓯᐊᒍᓂᕐᐸᐅᕗᖅ A-ᒥᒃ ᑲᐱᔭᐅᓯᒪᓂᖅ.
Listen to the testimonial of a person who had hepatitis A in 2021 (in Inuktitut):
2. ᐊᒡᒐᑯᑦ ᓴᓗᒪᑦᓯᐊᓂᖅ
ᐊᒡᒐᓂᐊᑦᓯᐊᖃᑦᑕᓂᖅ ᑎᖑᓪᓗᓇᕐᑐᑖᕇᒃᑯᑎᑦᓯᐊᒍᕗᖅ A-ᒥᒃ.
ᐃᕐᕈᑐᖃᑦᑕᓗᑎᑦ:
- ᓂᕐᓯᐅᓚᖓᓯᒍᕕᑦ ᓂᕆᓯᒍᕕᓪᓘᓃᑦ,
- ᖁᕐᕕᑐᕇᕈᕕᑦ,
- ᓇᖏᓕᕐᑐᐃᒌᕈᕕᑦ, ᖁᐃᖏᓕᑦᓰᒌᕈᕕᑦ.
