ᓇᐹᕐᑐᓖᑦ ᐃᑯᐊᓪᓚᖃᑦᑕᓂᖓ ᐊᓄᕆᐅᓪᓗ ᐊᓂᕐᑎᕆᕕᑦᓴᓯᐊᒍᒋᐊᖃᕐᓂᖓ

ᐃᓯᖓ ᓇᐹᕐᑐᓖᑦ ᐃᑯᐊᓚᓕᑐᐊᕐᒪᑕ ᓱᕐᕃᒍᓐᓇᐳᖅ ᐊᓄᕆᒥᒃ ᐊᓂᕐᑎᕆᒐᑦᓴᓯᐊᒥᒃ. ᐃᑯᐊᓚᔪᖅ ᐅᖓᓯᑦᑐᒦᒐᓗᐊᕐᐸᑦ ᐃᓯᖓ ᓀᑦᓴᐅᓲᖅ, ᕿᓚᓗ ᐃᓯᕆᐊᓕᕐᓱᓂ. ᓯᓚᐅᑉ ᑲᓄᐃᑦᑑᓂᖓ ᒪᓕᑦᓱᒍ, ᐊᓄᕆᒧᓪᓗ ᐃᓯᖅ ᑎᑭᐅᑦᔭᐅᓲᒍᑦᓱᓂ.

ᐃᓱᕐᕆᓯᐊᖕᖏᑑᓕᕐᖀᑦ ᐃᓚᑎᓪᓘᓃᑦ ?
ᐅᖄᓚᒋᑦᓯ ᐅᕗᖓ Info-Santé at 811, option 1.

ᑐᓴᐅᒪᒐᓱᐊᑦᓯᐊᕆᑦ.

ᐃᓯᐊᕐᓂᓕᑐᐊᕐᒪᑦ ᕿᓚᓗ ᐃᓯᕆᐊᓕᑐᐊᕐᒪᑦ ᑲᐅᔨᒪᓇᓲᒍᕗᖅ ᐊᓄᕆᐅᑉ ᓱᕐᕋᑕᐅᓯᒪᓂᖓ ᓇᐹᕐᑐᓖᑦ ᐃᑯᐊᓚᓂᖓᓄᑦ.

ᐊᑑᑎᔭᐅᔪᖅ ᐊᓯᑦᔨᑕᓲᒍᒻᒪᑦ ᐃᑯᐊᓚᔪᖅ ᒪᓕᑦᓱᒍ ᓯᓚᓗ ᒪᓕᑦᓱᒍ, ᑐᓴᐅᒪᒐᓱᐊᕐᐸᒋᑦ ᓈᓚᐅᑎᒥᒃ, Facebook page-ᖓᓂᓗ ᓄᓇᓕᑦᓯ ᑕᑯᒋᐊᖃᑦᑕᓗᑎᑦ ᓄᓇᓕᑦᓯᓂ ᓄᓇᕕᒻᒥᓗ ᐃᓗᓯᓕᕆᔨᒃᑯᑦ Facebook page-ᖓᓂᒃ, ᖃᐅᔨᒋᐊᕐᕕᖃᕐᓗᑎᓪᓘᓃᑦ ᓄᓇᓕᒻᒥ ᐊᐅᓚᑦᓯᔨᓂᒃ.

ᓄᓇᕕᒻᒥ ᐊᓄᕆ ᐊᓂᕐᑎᕆᕕᑦᓴᓯᐊᒍᕙ ?

SOPFEU’s website-ᑯᑦ ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᖓ ᑐᑭᓯᒪᔭᐅᒋᐊᓕᓕᒫᑦᓯᓂᒃ ᑐᑭᓯᒋᐊᕐᕕᓴᐅᕗᖅ ᓇᐹᕐᑐᓕᓐᓂ ᐃᑯᐊᓪᓚᑎᑦᓯᑌᓕᒍᑎᑦᓴᓂᒃ ᑕᒐᑕᒐᓗ ᐊᑑᑎᖃᑦᑕᑐᓂᒃ ᑐᑭᓯᒋᐊᕐᕕᓴᐅᑦᓱᒥ (ᓇᓂᑐᐃᓐᓇᖅ ᓯᓚᒥ ᐃᑯᐊᓚᑦᓯᑌᓕᒋᐊᖃᕐᓂᒥᒃ, ᐃᑯᐊᓚᐅᑉ ᐊᑦᑕᓇᕐᓂᖓᓂᒃ, ᑕᒐᑕᒐ ᐃᑯᐊᓚᔪᓂᒃ, ᐊᓯᖏᓐᓂᓗ)

Air quality map. ᓄᓇᖕᖑᐊᖅ ᐊᓄᕆᐅᑉ ᖃᓄᐃᓕᖓᓂᖓᓂᒃ ᑕᑯᒋᐊᕐᕕᓴᐅᒻᒥᔪᖅ ᑕᒐᑕᒐᐅᓂᖓᓂ ᓄᓇᓕᓐᓂ ᐃᓚᖏᓐᓂ

FIRESMOKE CANADA MAP: ᑕᑯᑦᓴᐅᑎᑦᓯᓯᐊᕐᑐᑦ ᒥᑦᓴᐅᓵᕐᑕᐅᓯᒪᒍᑎᖏᑦ ᐃᑲᐅᕐᓂᑕᒫᑦ, ᐅᓪᓗᑕᒫᑦ ᖃᓄᐃᓕᖓᓕᕐᑐᓂᒃ, ᐅᓪᓗᑕᒫᓪᓗ ᐳᔪᕐᓂᖓ ᑎᑭᐅᑎᕋᑕᕐᓱᓂ PM2.5 -ᒧᑦ ᐃᓯᐅᑉ ᑭᓈᓂᑯᖏᑦ ᓄᓇᒧᑦ ᑐᖃᑦᑕᓂᖓ ᓇᐹᕐᑐᐃᑦ ᐃᑯᐊᓚᓂᖓᓂᑦ ᐱᔫᑉ.

ᓱᖃᑦᓯᑎᑦᓯᒍᑎᓯ ᐊᑑᑎᑎᖃᑦᑕᓗᒋᑦ ᐊᓄᕆ ᐊᓂᕐᑎᕆᕕᑦᓴᓯᐊᒍᑉᐸᑦ

ᓱᖃᑦᓯᑎᑦᓯᒍᑎᓯ ᐊᑑᑎᑎᖃᑦᑕᓗᒋᑦ ᐊᓄᕆ ᐊᓂᕐᑎᕆᕕᑦᓴᓯᐊᒍᑉᐸᑦ, ᖃᐅᔨᒪᒐᓱᐊᖏᓐᓇᓗᑎᑦ ᒪᓗᓐᓇᐅᑎᐅᒍᓐᓇᑐᓂᒃ ᒪᓗᓐᓇᐅᑎᖃᓕᕐᒪᖔᕐᐱᑦ. ᐊᑦᔨᒌᖕᖏᓇᑦᑕ ᐃᓘᓐᓇᑕ. ᐃᓄᐃᑦ ᐃᓚᖏᑦ ᓱᕐᕋᑕᐅᑦᓴᐅᑎᒋᓲᒍᓂᕐᓴᐅᑐᐊᕋᒥᒃ ᒪᓗᓐᓇᐅᑎᖃᑐᐃᓐᓇᕆᐊᖃᕐᒪᑕ ᑌᒪ ᓱᖃᑦᓯᑎᑦᓯᒍᑕᐅᔪᓄᑦ ᐃᓚᐅᓗᐊᖕᖏᓂᕐᓴᐅᖃᑦᑕᓂᐊᓕᕋᒥᒃ.

ᐊᓄᕆ ᐊᓂᕐᑎᕆᕕᑦᓴᓯᐊᒍᓂᕋᕐᑕᐅᕗᖅ ᐳᔪᕐᓗᑕᖃᕐᓂᖓ ᐊᑖᓃᑐᐊᕐᒪᑦ 30 PM_{2.5 (µg/m}³).

ᑌᒪ, ᐊᓃᕆᐊᒥᒃ ᖃᓄᐃᒐᔭᖕᖏᓚᖅ ᐃᓪᓗᔪᐊᒥᓪᓘᓃᑦ ᓱᖃᑦᓯᑎᑕᐅᔪᓃᑦᑐᖃᕈᓐᓇᐳᖅ.

ᐊᓄᕆ ᐊᓂᕐᑎᕆᕕᑦᓴᓯᐊᒍᖕᖏᐸᑦ, ᐅᑯᐊᑕᒐ ᐅᓐᓂᑑᑎᐅᓯᒪᔪᑦ ᓯᓚᒥ ᓱᖃᑦᓯᑎᑕᐅᔪᖃᓚᖓᑉᐸᑦ, ᐊᓄᕆᐅᑉ ᖃᓄᐃᑦᑑᓂᖓ ᒪᓕᓪᓗᒍ.

ᐅᓇ ᖃᐅᔨᒪᐅᑎᑦᓴᖅ ᖃᓄᓪᓗᐊᑎᒋ ᐳᔪᕐᓗᑕᖃᕐᒪᖔᑦ:

ᓇᔪᕐᑕᐅᓲᓂ ᐃᓕᓴᕐᕕᓂ, ᐯᕆᑦᓯᕕᓐᓂ ᐊᓯᖏᓐᓂᓗ ᐱᓇᓱᕝᕕᓂ, ᖃᐅᔨᒋᐊᕐᕕᒋᓗᒋᑦ ᐅᓐᓂᑑᑎᐅᓯᒪᔪᑦ.

ᓇᔪᕐᑕᐅᓲᓂ (ᐯᕆᑦᓯᕕᓐᓂ, ᓱᖃᑦᓯᑎᑦᓯᕕᓐᓂ ᕿᑲᕆᐊᕐᑐᕕᓐᓂ, ᐃᓕᓴᕐᕕᓂ, ᐱᓕᐅᑎᒍᑎᓂᒃ ᐱᖕᖑᐊᑐᓂ ᐱᒋᐅᕐᓴᓂᕐᓂᓘᓐᓃᑦ, ᐃᓄᒻᒪᕇᑦ ᐊᓇᕐᕋᖏᓐᓂ)

ᓱᕐᕃᓂᕆᒍᓐᓇᑕᖓ ᖃᓄᐃᖕᖏᓯᐊᕆᐊᖃᕐᓂᒥᒃ

ᐃᓯᕐᓗᓗᐊᓕᑐᐊᕐᐸᑦ, ᓄᓇᕕᒻᒥᐅᓕᒫᑦ ᐊᑦᑕᓇᕐᑐᒦᒍᓐᓇᐳᑦ, ᖃᑦᓯᑐᐃᓐᓇᓂᒃ ᐅᑭᐅᖃᕈᑎᒃ ᖃᓄᐃᒍᑎᑦ ᖃᓄᐃᖕᖏᑯᑎᓪᓘᓃᑦ. ᐅᑯᐊᑕᒐ ᐊᑦᑕᓇᕐᓯᑐᐃᓐᓇᕆᐊᖃᕐᓂᐸᐅᓲᑦ ᓱᕐᕃᓂᖓᓄᑦ ᐃᓯᐅᑉ:

ᓄᑕᕃᑦ ᑲᒃᑲᓛᓪᓗ, ᐱᐊᕃᓪᓗ ᐅᑭᐅᓖᑦ ᑕᓪᓕᒣᑦ ᒥᑦᓯᑎᒍᑦ;
ᐱᐊᕋᑦᓴᓖᑦ;
ᐃᓄᒻᒪᕇᑦ;
ᐊᑯᓃᕐᑐᒥᒃ ᖃᓄᐃᒍᑎᓖᑦ (ᐆᑦᑐᕋᐅᑎᒋᑦᓱᒋᑦ, ᑲᒡᒍᑎᓖᑦ, ᐊᐅᒃᑯᑦ ᒪᒪᕐᓴᐅᑎᖃᓗᐊᕐᑐᑦ, ᐱᑕᑦᓴᖃᓗᐊᕐᑐᑦ), ᐳᕙᒃᑯᑦ (ᐆᑦᑐᕋᐅᑎᒋᑦᓱᒋᑦ, ᐳᕙᓕᕆᓲᑦ (asthma, emphysema, ᐊᑯᓃᕐᑐᒥᓪᓗ ᓄᕕᕐᓱᑯᑦ ᐳᓪᓕᑐᑦ), ᐅᕝᕙᓘᓐᓃᑦ ᐆᒻᒪᓯᕆᔪᑦ;
ᑭᓇᑐᐃᓐᓇᑯᑦ ᓯᓚᒥ ᐱᓇᓱᐊᓲᑦ ᓯᓚᒥᓪᓘᓃᑦ ᐃᙯᓕᓴᕐᓇᑐᓂᒃ ᐊᑑᑎᓲᑦ.

ᐃᓚᖏᑦ ᐃᒣᑦᑐᓂᒃ ᐊᑑᑎᑐᐃᓐᓇᕆᐊᓖᑦ:

ᖁᕝᕕᓘᒃᑳᖃᑦᑕᓗᑎᒃ;
ᐃᔨᒃᑯᑦ ᖃᓯᓕᓗᑎᒃ ᐃᒡᒋᐊᑯᓪᓗ;
ᖁᐃᕐᑐᖃᑦᑕᓗᑎᒃ;
ᓱᕐᓗᓕᕆᖃᑦᑕᓗᑎᒃ;
ᓂᐊᖁᖕᖑᖃᑦᑕᓗᑎᒃ.

ᐅᖄᓚᕕᒋᓗᒍ Info-Santé at 811, option 1, ᑕᒪᒃᑯᐊ ᒪᓗᓐᓇᐅᑏᑦ ᐃᓚᖏᓐᓂᒃ ᒪᓗᓐᓇᐅᑎᖃᕈᕕᑦ ᐱᓕᐅᒥᒍᕕᓪᓘᓃᑦ.

ᑭᓯᐊᓂᓕ, ᐃᓯᖅ ᓱᕐᕃᓯᒪᓂᕐᓴᐅᒍᓐᓇᐳᖅ ᐃᓚᖏᓐᓂᒃ, ᐆᑦᑐᕋᐅᑎᒋᑦᓱᒋᑦ ᖃᓄᐃᒍᑎᖃᓲᓂᒃ ᐳᕙᓕᕆᓐᓇᑐᒥᒃ (asthma) ᐅᕝᕙᓘᓐᓃᑦ ᐆᒻᒪᓯᕆᔪᒥᒃ ᐊᓂᕐᑎᕆᑦᓯᐊᕈᓐᓇᖏᑦᑐᒥᓪᓘᓃᑦ, ᐆᑦᑐᕋᐅᑎᒋᑦᓱᒋᑦ ᖃᓄᐃᒍᑎᖃᓲᓂᒃ ᐳᕙᓕᕆᓐᓇᑐᒥᒃ (emphysema) ᐊᑯᓃᕐᑐᒥᓪᓗ ᓄᕕᕐᓱᑯᑦ ᐳᓪᓕᑐᒥᒃ. ᑕᑲᒃᑯᐊ ᐃᓚᖏᑦ ᒪᓗᓐᓇᐅᑎᐅᓲᑦ ᐊᑑᑎᔭᐅᓗᐊᖕᖏᓂᕐᓴᐅᓲᒍᑦᓱᑎᒃ ᑭᓯᐊᓂ ᖃᓄᐃᒍᑕᐅᓂᕐᓴᐅᒍᓐᓇᓱᑎᒃ ᐋᓐᓂᐊᓯᐅᕐᑕᐅᒍᑕᐅᒋᐊᖃᕐᓱᑎᒃ. ᐋᓐᓂᐊᕕᑦᓯᓄᑦ ᖃᐅᔨᓴᕐᑕᐅᒋᐊᕐᑐᕆᐊᖃᕐᐳᑎᑦ ᒪᑯᓂᖓ ᖃᐅᔨᒍᕕᑦ:

ᐃᐱᓂᐊᖃᑦᑕᓂᖅ ᐱᓕᐅᒥᔮᖃᑦᑕᓂᕐᓘᓃᑦ;
ᐳᕙᑉᕙᓛᖃᑦᑕᓂᖅ ᖁᐃᕐᑐᓱᓂ (ᐳᕙᓕᕆᖃᑦᑕᓂᖅ (asthma attacks);
ᖁᐃᕐᑐᓕᒫᑐᐃᓐᓇᓂᖅ;
ᐃᑦᔭᖑᓕᕐᓂᖅ;
ᓴᕝᕕᓕᕆᓂᖅ;
ᐆᒻᒪᑎᐅᑉ ᑲᑦᔪᑕᕐᓂᖓᑕ ᓱᑲᓗᐊᕐᓂᖓ.

ᓱᔪᖃᕆᐊᖃᕐᐸ ᓱᕐᕋᑕᐅᑦᑌᓕᒍᑎᑦᓴᓂᒃ ?

ᐃᒐᓛᓯ ᐊᓇᕐᕋᒥ ᐊᒻᒪᑎᒍᓐᓀᓗᒋᑦ ᓇᔪᕐᑕᐅᔪᓂᓗ, ᐃᓚᐅᑎᓪᓗᒋᑦ ᐯᕆᑦᓯᕖᑦ, ᐃᓕᓴᕐᕖᑦ, ᐱᓇᓱᕝᕖᓗ, ᐊᓄᕆᐅᑎᓂᒃ ᐊᑐᖃᑦᑕᕈᓐᓀᓗᓯ ᓯᓚᒻᒧᖏᑦᑐᓂᒃ;
ᓯᓚᒥ ᓱᖃᑦᓯᑎᑦᓯᔪᓄᑦ ᐁᓪᓗᐊᑌᓕᖃᑦᑕᓗᓯ (ᐱᓕᐅᑦᔨᒍᑎᓂᒃ ᐱᖕᖑᐊᑐᓄᑦ ᐱᓇᓱᐊᕐᑐᓄᓪᓗ);
ᐃᑉᐱᒋᑦᓯᐊᓗᒋᑦ ᐊᓂᔪᐃᑦᑐᑦ, ᖃᓂᒪᔪᑦ ᐃᓄᒻᒪᕇᓪᓘᓃᑦ ᐃᓚᓪᓗᑐᖏᑦ ᐊᓄᕆᔪᒥ ᐊᓂᕐᑎᕆᕕᑦᓯᐊᒍᖕᖏᑐᒦᖃᑕᐅᒋᐊᖃᖕᖏᒪᑕ;
ᐳᕙᓕᕆᓲᒍᒍᕕᑦ (ᐆᑦᑐᕋᐅᑎᒃᑲ ᐳᕙᓕᕆᓇᕐᑐᑦ (asthma), (COPD), ᐄᒐᑎᑦ ᐊᑐᐃᓐᓇᕇᓐᓇᓗᒋᑦ ᖃᓄᐃᓘᖁᔭᐅᓯᒪᒍᑎᑎᓪᓗ ᐋᓐᓂᐊᓯᐅᕐᑎᓄᑦ ᒪᓕᑦᓯᐊᓗᒋᑦ.

ᓯᓚᒦᖃᑦᑕᕆᐊᓕᓐᓄᑦ (ᐱᓇᓱᓪᓗᑎᒃ, ᐊᕐᕕᑕᕐᓗᑎᒃ, ᐊᓯᖏᓐᓂᓘᓐᓃᑦ ᐊᓃᕈᑕᐅᒋᐊᓕᓐᓂᒃ ᐱᓇᓱᐊᕐᓗᑎᒃ):

ᓯᓚᒥ ᓱᒐᑦᓴᖃᓪᓗᐊᑌᓕᓗᑎᑦ (ᑭᖑᕙᕐᑎᒋᐊᖃᑦᑕᓗᒋᑦ ᐱᔭᑦᓴᕆᒋᐊᓕᑎᑦ, ᐱᔭᑦᓴᖃᓪᓗᐊᑌᓕᓗᑎᓪᓘᓃᑦ);
ᑕᙯᕐᓯᑫᓐᓇᖃᑦᑕᓗᑎᑦ ᐃᓪᓗᔪᐊᒥ.

ᓯᓚᒥ ᓱᑎᑕᐅᓚᖓᔪᑦ ᐸᕐᓀᕈᑕᐅᑉᐸᑕ. ᖃᓄᐃᓘᕐᑐᓴᐅᕕᑕ ?

ᓯᓚᒥ ᓱᑎᑕᐅᓚᖓᔪᑦ ᐸᕐᓀᕈᑕᐅᑉᐸᑕ, ᐊᑐᐃᓐᓇᕈᕐᑎᕆᔪᑦ ᑐᑭᑖᕐᑎᐅᒋᐊᖃᕐᐳᑦ ᑲᔪᓯᔪᑦᓴᐅᒪᖔᑦ ᐸᕐᓀᕈᑕᐅᓯᒪᔪᖅ ᓄᕐᖃᑎᑕᐅᔪᑦᓴᐅᒪᖔᑦ/ᐅᓪᓗᖓᓘᓐᓃᑦ ᐊᓯᐊᓅᕐᑕᐅᔪᑦᓴᐅᒪᖔᑦ. ᖃᐅᔨᒪᑎᑦᓯᒋᐊᓖᑦ ᐃᓚᐅᓚᖓᔪᕕᓂᕐᓂᒃ ᓯᓚ ᐊᓂᕐᑎᕆᕕᑦᓴᓯᐊᒍᒻᒪᖔᑦ ᑐᑭᑖᕐᓂᐊᒪᑕ ᐃᓚᐅᒍᒪᓗᑎᒃ ᒍᒪᖕᖏᑑᓗᑎᓪᓘᓃᑦ. ᐃᑉᐱᒋᔭᐅᑦᓯᐊᕆᐊᖃᕐᐳᑦ ᐊᑦᑕᓇᕐᓯᑐᐃᓐᓇᕆᐊᓖᑦ ᐃᓄᒻᒪᕇᑦ ᕿᑐᕐᖓᕆᔭᐅᔪᐃᓪᓗ ᐃᓚᐅᓯᑐᐃᓐᓇᓂᕐᐸᑕ ᓱᑎᑕᐅᔪᓄᑦ.

ᖃᐅᔨᒋᐊᕐᕕᒋᓗᒋᑦ ᐅᓐᓂᑑᑎᓕᐊᒍᓯᒪᔪᑦ ᓱᑎᑕᐅᓚᖓᔪᓅᓕᖓᔪᑦ.

ᑐᓴᕐᑎᓯᒍᑎ ᐊᑕᐅᓯᐊᑐᐃᓐᓇᓗᓂ ᓱᑎᑦᓯᓂᐅᓚᖓᔪᒥᒃ

ᓀᒪᒌᒃᑯᓯᔭᕐᑐᓴᐅᕕᑖ N95-ᒥᒃ ?

ᓱᕐᕋᑕᐅᑦᑌᓕᒍᑎᑦᓯᐊᒍᓂᕐᐸᐅᕗᖅ ᐊᓄᕆ ᐊᓂᕐᑎᕆᕕᑦᓴᓯᐊᒍᒍᓐᓀᑐᐊᕐᒪᑦ ᐃᑎᕐᓯᒪᑐᐃᓐᓇᓗᓂ.

ᐱᓇᓱᑦᑏᑦ ᐳᕙᓕᕆᓲᑦ ᓚᔭᐅᖕᖏᑐᑦ, ᑭᓯᐊᓂᓕ ᐊᑕᐅᓯᐅᓈᕐᑎᑐᑦ ᐃᒻᒥᓂᒃ ᑐᑭᑖᕐᓯᒪᒍᓐᓇᐳᑦ N95-ᒥᒃ ᓀᒪᒌᒃᑯᓯᔭᕐᑐᓴᐅᒻᒪᖔᕐᒥᒃ.

ᓯᓚᒦᒋᐊᖃᕐᓂᕈᕕᑦ, ᓀᒪᒌᒃᑯᑎ N95 ᐊᑐᕋᑦᓴᓯᐊᒍᕗᖅ. ᐊᑕᑦᓯᐊᕈᓐᓇᕋᒥ ᓀᒪᒌᒃᑯᑎ N95 ᐃᑯᓪᓚᑎᑦᓯᒍᑕᐅᒍᓐᓇᕋᒥ ᒪᓗᓐᓇᐅᑎᖃᕐᑐᖃᕐᐸᑦ ᐊᓂᕐᑎᕆᑦᓯᐊᖏᑦᑑᒍᑕᐅᓲᓂᒃ ᐃᓱᕐᕆᖏᒍᑎᐅᓲᓂᓪᓗ ᐃᓯᐅᑉ ᐱᔮᓄᑦ (ᖁᐃᕐᑐᖃᑦᑕᓂᖅ, ᐃᓱᕐᕆᓯᐊᖕᖏᓂᖅ, ᐃᒡᒋᐊᓕᕆᓂᕐᓗ). ᑭᓯᐊᓂᓕ, ᓀᒪᒌᒃᑯᑎ N95 ᐃᓱᐃᒋᔭᐅᑐᐃᓐᓇᕆᐊᖃᕐᒥᔪᖅ ᐁᔪᖓᓂᖓᓄᑦ ᐅᕐᖂᓯᐅᕐᓂᒧᓪᓘᓃᑦ.

ᓀᒪᒌᒃᑯᑎᑖᕈᓐᓇᑐᓯ N95-ᒥᒃ ᐋᓐᓂᐊᕕᓯᓐᓂᑦ.

ᐱᓚᑦᑐᐃᔩᑦ ᓂᐅᕐᖃᕇᒃᑯᑎᒋᓲᖏᑦ ᑐᖑᔪᕐᑌᑦ ᐅᕝᕙᓘᓐᓃᑦ ᖃᓪᓗᓈᕐᑌᑦ ᐊᑐᕋᑦᓴᐅᖏᑦᑐᑦ ᓂᐅᕐᖃᕇᒃᑯᑎᐅᖕᖏᓇᒥᒃ, ᖃᐅᓰᓪᓘᓃᑦ ᖃᓪᓗᓈᕐᑌᑦ.

ᐱᓇᓱᑦᑏᑦ ᖃᐅᔨᒪᒋᐊᓕᖏᑦ

ᖃᐅᔨᒋᐊᕐᕕᒋᓗᒋᑦ ᐅᓐᓂᑑᑎᓕᐊᒍᓯᒪᔪᑦ ᐱᓇᓱᑦᑎᓅᓕᖓᔪᑦ:

ᑐᓴᕐᑎᓯᒍᑎ ᐱᓇᓱᕝᕕᓂᒃ

ᑕᑯᒋᐊᕋᑦᓴᐅᒥᔪᑦ:

CCOHS: Forest Fires and Wildfire smoke
Feux de forêt et panaches de fumée | Commission des normes de l'équité de la santé et de la sécurité du travail - CNESST (gouv.qc.ca) (ᐅᐃᒍᐃᑎᑑᑐᐃᓐᓇᑐᑦ)

ᐅᕐᖂᓯᒻᒪᕆᑐᐊᕐᐸᑦ

ᐅᕐᖂᓯᒻᒪᕆᑐᐊᕐᐸᑦ ᐊᓄᕆᓗ ᐊᓂᕐᑎᕆᕕᑦᓴᓯᐊᒍᖕᖏᑐᐊᕐᐸᑦ, ᐅᓐᓂᑑᑎᓕᐊᒍᓯᒪᔪᑦ ᖃᐅᔨᒋᐊᖃᑦᑕᕆᐊᓕᑎᑦ ᐅᕙᓂ on this page. ᓯᕗᓪᓕᐅᔨᖃᑦᑕᓗᒋᑦ ᖃᓄᐃᓘᕆᐊᖃᕐᓃᑦ ᓯᓚ ᖃᓄᐃᑦᑑᒐᓗᐊᕐᐸᑦ ᐃᒻᒥᓂᒃ ᐅᖑᒪᑦᓯᒍᑎᑦᓴᑎᑦ ᓇᓪᓕᒋᔭᑎᓪᓗ ᐃᒻᒥᓂᒃ ᐅᖑᒪᑦᓯᒍᑎᑦᓴᖏᑦ, ᐊᓄᕆ ᐊᓂᕐᑎᕆᕕᑦᓴᓯᐊᒍᖕᖏᑲᓗᐊᕐᐸᑦ.

ᐃᑲᔪᕐᑕᐅᕕᑦᓭᑦ

ᐃᓱᒪᒃᑯᑦ ᐃᑲᔪᕐᑕᐅᒋᐊᖃᕐᑐᖃᕐᐸᑦ ᐃᑲᔪᕐᑎᓭᑦ

ᑭᖕᖒᒪᑦᓯᔪᖃᕐᐸᑦ, ᐋᓐᓂᐊᕕᑦᓯᓂᒃ ᐊᑐᐃᓐᓇᐅᕗᑦ ᐃᓱᒪᓕᕆᔩᑦ ᐃᓄᓕᕆᔩᓪᓗ.