2024-2025-ᒥ ᐃᓕᓴᕐᓇᐅᑎᓪᓗᒍ, ᑲᐱᔭᐅᒍᑎᐅᒋᐊᓕᒃ ᐁᑦᑐᑕᐅᒌᒃᑯᑎᑦᓴᒥᒃ ᐃᒻᒪᕈᑕᐅᓲᓂᒃ ᖃᕆᑕᐅᑉ ᑲᕕᕈᖓᒍᑦ ᐊᑐᐃᓐᓇᐅᑎᑕᐅᓛᓕᕆᕗᖅ ᐳᕐᑐᓂᕐᓴᒥ 2-ᒥᑦ 5-ᒧᑦ ᐃᓕᓵᑦ ᑲᐱᔭᐅᒍᑎᑦᓴᖓ ᐅᑭᐅᖃᕋᑕᖕᖏᑐᑦ 18-ᓂᒃ.
ᓱᓇᐅᕙ ᖃᕆᑕᐅᑉ ᑲᕕᕈᖓᒍᑦ ᐃᒻᒪᓯᒪᓂᖅ ?
ᖃᕆᑕᐅᑉ ᑲᕕᕈᖓ ᐃᒻᒪᓲᖅ ᖁᐱᕐᕈᐊᕈᓯᕐᑕᓯᔪᕕᓂᐅᑐᐊᕐᒪᑦ ᓱᓪᓗᖅ ᐃᒡᒋᐊᓗ ᐁᑦᑐᑕᐅᓯᒪᔪᒥᑦ ᐱᔪᒥᒃ. ᑖᒃᑯᐊ ᖁᐱᕐᕈᐊᕈᓰᑦ ᖃᕆᑕᐅᑉ ᑲᕕᕈᖓᒍᑦ ᐃᒻᒪᕈᑕᐅᒍᓐᓇᑐᑦ (ᖃᕆᑕᐅᑉ ᑲᕕᕈᖓ ᐃᒻᒪᓱᓂ) ᐅᕝᕙᓘᓐᓃᑦ septicemia (ᐊᐅᒃᑯᑦ ᑐᖁᓐᓇᑐᕐᑕᓯᑦᓱᓂ ᐊᐅᒃᑯᓘᓐᓃᑦ ᐃᒻᒪᑐᖃᕐᓱᓂ). ᑐᓵᖕᖏᑐᖕᖑᕈᑕᐅᑐᐃᓐᓇᕆᐊᖃᕐᓱᓂ, ᑎᒥᒃᑯᑦ ᐃᓚᖕᖓᕈᑕᐅᑐᐃᓐᓇᕆᐊᖃᕐᓱᓂ ᑐᖁᒍᑕᐅᓗᓂᓘᓐᓃᑦ. ᐊᑦᔨᒌᖕᖏᓚᑦ ᑲᕆᑕᐅᑉ ᑲᕕᕈᖓᒍᑦ ᐃᒻᒪᕈᑕᐅᓲᑦ ᒪᑯᐊ ᐃᓚᐅᑎᓪᓗᒋᑦ meningococcal serogroups A, C, W and Y.
ᓱᒧᑦ ᐳᕐᑐᓂᕐᓴᒥ 2-ᒥᑦ 5-ᒧᑦ ᐃᓕᓵᑦ ᑲᐱᔭᐅᖁᔭᐅᓯᒪᕙᑦ ?
ᑲᕆᑕᐅᑉ ᑲᕕᕈᖓᒍᑦ ᐃᒻᒪᕈᑕᐅᓲᓂᒃ ᐃᒻᒪᕇᒃᑯᑎᑦᓭᑦ ᐊᓯᖏᓐᓄᑦ ᑲᐱᔭᐅᓯᒪᒍᑕᐅᒋᐊᖃᓲᓄᑦ ᐃᓚᐅᑎᑕᐅᓲᒍᓯᒪᕗᖅ ᑯᐯᒃᒥ ᕿᑐᕐᖓᕆᔭᐅᔪᑦ ᐃᓅᓱᑦᑐᐃᓗ ᑲᐱᔭᐅᒍᑎᑦᓴᕆᔭᖓᓂᐅᒃ ᐊᕐᕌᒍᓂ ᐊᓂᒍᕐᑐᓂ. ᑭᓯᐊᓂᓕ, ᐊᑕᐅᓯᑐᐃᓐᓇᒥᒃ ᐃᒻᒪᕈᑕᐅᓲᒥᒃ ᐃᒻᒪᕇᒃᑯᑎ serogroup C, ᑲᐱᔭᐅᒍᑎᐅᖃᑦᑕᓯᒪᕗᖅ.
2022-ᒥᓂᑦ, ᐊᒥᓲᓂᕐᓴᐅᕙᓕᕐᒪᑕ ᐃᒻᒪᓯᒪᔪᑦ ᐃᒻᒪᕈᑕᐅᓲᒥᒃ meningococcal serogroup Y ᑯᐯᒃᓕᒫᒥ ᑲᓇᑕᒥᓪᓗ, ᓱᕐᕋᑕᐅᓂᕐᐸᐅᑎᓪᓗᒋᑦ ᐃᓅᓱᑦᑐᑦ ᐅᑭᐅᓖᑦ 14-ᓂᑦ 18-ᓄᑦ.
ᐅᑭᐊᑦᓴᐅᑎᓪᓗᒍ 2023-ᒥ, ᑲᐱᔭᐅᒍᑎᐅᓲᖅ ᐃᒻᒪᕇᒃᑯᑎᑦᓴᖅ meningococcal serogroup C (MEN-C-C)-ᓚᔭᐅᔪᒥᒃ ᐳᕐᑐᓂᕐᒥ 7-ᒦᑦᑐᑦ (ᐳᒃᑭᓂᕐᓭᑦ ᐃᓕᓴᕐᕕᖓᓂ) ᑲᐱᔭᐅᒍᑎᒋᓲᖓ, ᐃᓇᖏᕐᑕᐅᓯᒪᒻᒪᑦ meningococcal vaccine (MEN-C-ACWY)-ᓚᔭᐅᔪᒧᑦ ᐃᒻᒪᕇᒃᑯᑎᑦᓴᒧᑦ ᐃᓘᓐᓇᖏᓐᓂᒃ ᓯᑕᒣᓂᒃ ᐃᒻᒪᕈᑕᐅᓲᓂᒃ ᐃᓚᐅᑎᓪᓗᒍ serogroup Y.
ᐳᕐᑐᓂᕐᓴᒦᑦᑐᑦ ᐃᓕᓵᑦ ᑲᐱᔭᐅᓯᒪᖁᔭᐅᔪᑦ ᐊᑕᐅᓯᑐᐊᒥᒃ ᑲᐱᔭᐅᒍᑎᖃᕐᓯᒪᒻᒪᑕ ᐃᒻᒪᕇᒃᑯᑎᑦᓴᒥᒃ meningococcal serogroup C-ᓚᔭᐅᔪᒥᒃ ᐳᒃᑭᓂᕐᓴᒥᒃ ᑭᖑᓪᓕᐹᒥᒃ ᐃᓕᓵᒍᑦᓱᑎᒃ ᑲᐱᔭᐅᒍᑎᒋᓯᒪᔭᒥᓂᒃ, ᖃᐅᔨᒪᔪᒻᒪᕆᓐᓄᑦ ᖃᕆᑕᐅᑉ ᑲᕕᕈᖓᒍᑦ ᐃᒻᒪᕇᒃᑯᑎᑦᓴᒥᒃ ᑲᐱᔭᐅᓯᒪᖁᔭᐅᒻᒪᑕ ᐃᓘᓐᓀᓂᒃ ᐃᒻᒪᕈᑕᐅᓲᓂᒃ (A, C, W and Y) ᐃᒻᒪᕇᒃᑯᑎᑦᓴᓂᒃ.
ᑖᓐᓈ ᑲᐱᔭᐅᒍᑎᑦᓴᖅ ᓱᕐᕃᓂᖃᑦᓯᐊᕈᓐᓇᐸ ? ᐊᑦᑕᓇᕐᔭᖏᓪᓛ ?
ᑲᐱᔭᐅᓯᒪᓂᖅ ᐁᑦᑐᑕᐅᒌᒃᑯᑎᑦᓯᐊᒍᓂᕐᐸᐅᕗᖅ ᖃᕆᑕᐅᑉ ᑲᕕᕈᖓᒍᑦ ᐃᒻᒪᕈᑕᐅᓲᓂᒃ. ᐊᑕᓇᑦᔭᒐᓂ ᑲᐱᔭᐅᒍᑎ, ᑭᖑᓂᖓᒍᓪᓗ ᓱᕐᕋᑕᐅᒍᑕᐅᓪᓗᐊᓲᒍᒐᓂ ᐃᓱᐃᑦᑐᑯᑦ ᐊᑯᓂᐅᖕᖏᑐᕐᓗ ᓱᕐᕋᑕᐅᑫᓐᓇᕈᓐᓇᓱᓂ ᐃᓱᐃᑦᑐᑯᑦ. ᖃᐅᔨᒪᒋᐊᓪᓚᕈᒪᒍᕕᑦ, ᑕᑯᒋᐊᕋᑦᓭᑦ ᐅᑯᐊ: https://publications.msss.gouv.qc.ca/msss/fichiers/piq/feuillets_ang_2024/A17_meningococcal-quadrivalent.pdf
ᖃᓄᖅ ᓯᑕᒣᓂᒃ ᖃᕆᑕᐅᑉ ᑲᕕᕈᖓᒍᑦ ᐃᒻᒪᕈᑕᐅᓲᓂᒃ ᐃᒻᒪᕇᒃᑯᑎᑦᓴᓂᒃ ᑲᐱᔭᐅᒍᑎᖃᕈᓐᓇᑐᖃᕐᐸ ?
ᓯᑕᒣᓂᒃ ᖃᕆᑕᐅᑉ ᑲᕕᕈᖓᒍᑦ ᐃᒻᒪᕈᑕᐅᓲᓂᒃ ᐃᒻᒪᕇᒃᑯᑎᑦᓴᓂᒃ ᑲᐱᔭᐅᒍᓐᓇᓛᕐᑐᑦ ᐃᓕᓴᕐᕕᓂ 2024-2025-ᒥ. ᑲᐱᔭᐅᕕᑦᓭᑦ ᐅᓪᓗᖁᑎᖏᓐᓂᒃ ᖃᐅᔨᒍᒪᒍᕕᑦ ᐅᓪᓗᖁᑎᓕᐅᕈᒪᒍᕕᓪᓘᓃᑦ ᑲᐱᔭᐅᒋᐊᕐᑐᕕᑦᓴᓂᒃ, ᐋᓐᓂᐊᕕᑦᓯᓄᑦ ᐅᖄᓚᒋᑦ.