ᑐᐹᑭ

ᖃᓄᐃᓕᖓᓕᕐᓂᖓᓄᑦ ᓄᓇᕕᒻᒥ
ᓄᓇᓕᓕᒫᑦ ᓱᓇᓱᐊᕋᓱᐊᕈᑎᖏᓐᓄᑦ
ᓱᐴᕈᓯᔭᕐᓂᐅᑉ ᐊᐅᓚᑦᔦᓲᖑᓂᖏᓐᓄᑦ ᖃᓄᐃᖏᓯᐊᕐᓂᒥᒃ
ᓄᕐᖃᓂᕐᒧᑦ ᓱᐴᕈᑎᒥᒃ
ᐱᑐᕝᕕᐅᒍᓐᓇᑐᓄ ᖃᕆᑕᐅᔭᕐᑎᒍᑦ

ᖃᓄᐃᓕᖓᓕᕐᓂᖓᓄᑦ ᓄᓇᕕᒻᒥ

ᓄᓇᕕᒻᒥ ᑐᐹᑭᒥᒃ ᓴᐳᕐᑐᓗᐊᕐᓂᐅᓲᖅ ᓱᒐᓗᓗᐊᑦᓯᐊᐳᖅ. ᑕᒪᓐᓇᐅᒪᑦ, ᓄᓇᕕᒻᒥᐅᑦ ᐊᒥᓱᒻᒪᕆᐊᓗᐃᑦ ᓱᐳᕐᑐᑎᐅᓲᖑᒻᒪᑕ. ᑕᒃᑯᐊ ᖃᓄᐃᑉᐱᑖ-ᒥᒃ ᖃᐅᔨᓴᕐᓯᒪᓂᖃᕐᑐᑦ 2004-ᒥ ᑕᑯᑦᓱᒋᑦ, 90% ᐳᓴᓐᑎᑲᓴᖏᑦ ᐅᑭᐅᓖᑦ 18-ᒥᑦ 29-ᒧᑦ ᓱᐳᕐᑐᓲᖑᑦᓱᑎᒃ ᓱᐳᕐᑐᑲᓪᓛᓱᑎᓪᓘᓃᑦ.

ᑐᑭᓯᒋᐊᕈᒪᔪᖃᕐᐸᑦ ᑕᒫᓂ ᓄᓇᒥ ᓱᐳᕐᑐᓂᐅᕙᑦᑐᒧᑦ, ᑕᑯᒋᐊᕈᓐᓇᐳᑎᑦ ᐅᑯᓂᖓ 2014-ᒥ ᖃᓄᐃᑉᐱᑖ ᖃᐅᔨᓴᕐᑕᐅᓂᕕᓂᖓᓂᒃ ᓱᓇᒥᑦᑐᓂᒃ.
 

ᓄᓇᓕᓕᒫᓄᑦ ᓱᓇᓱᐊᕐᑕᐅᓂᐊᕐᑐᓄᑦ

ᑯᐯᒃ ᓄᓇᓕᓕᖃᕐᕕᓕᒫᖏᓐᓂ, ᓄᕐᖃᕈᕕᑦ ᓵᓚᖃᕐᑎᑦᓯᒍᑎᒥᒃ ᐱᕕᖃᕐᑎᑕᐅᓲᖑᒻᒪᑦ ᐊᕐᕌᒍᑕᒫᑦ ᒫᑦᔨᒥ. ᑕᒪᑦᓱᒥᖓᑦᓭᓇᖅ ᐊᑐᓕᕐᑎᑕᐅᔪᖃᓚᐅᔪᖅ ᑕᒪᐅᖓ ᓄᓇᒧᑦ ᐊᓯᑦᔨᒋᐊᕐᑕᐅᑐᐃᓐᓇᑎᓪᓗᒋᑦ ᑕᕐᓴᖓᓗ ᐊᒻᒪᓗ ᐊᑐᓕᕐᑎᑕᐅᓲᖑᓂᖓᓄᑦ. ᓄᕐᖃᓯᒣᓐᓇᓕᕐᑐᓄᑦ ᓵᓚᖃᕐᑎᓯᒍᑏᑦ. ᑕᑯᓐᓈᓱᒍ ᓱᐴᕐᑐᓲᑦ ᐊᒥᓱᒻᒪᕆᐅᓲᖑᒋᐊᖏᑦ ᐊᒻᒪᓗ ᐊᖏᕐᕋᒥᓂ ᐊᒥᓱᕋᔮᖑᓲᖑᑦᓱᑎᒃ, ᓄᕐᖃᑐᐊᕈᓂ ᐱᕙᓪᓕᔪᒻᒪᕆᐅᒍᓐᓇᓂᐊᕐᑐᖅ, ᑭᓯᐊᓂ ᓱᐴᕈᑎᒥᒃ ᓄᕐᖃᙰᓐᓇᓯᐊᕋᓱᐊᕆᐊᒥᒃ ᖃᐅᑕᒫᑦ ᐊᑦᓱᕈᕐᓇᑑᒍᓐᓇᒥᔪᖅ.

ᐊᓯᖏᓐᓂᒃ ᓄᕐᖃᑎᑦᓯᒐᓱᐊᕐᓂᒧᑦ ᓵᓚᖃᕐᑎᓯᒍᑎᖃᓲᖑᒐᓗᐊᕐᒥᑎᓗᒍ, ᑖᒃᑯᐊ ᓄᕐᖃᙰᓐᓇᕈᓂ ᓵᓚᖃᕐᑎᓯᒍᑏᑦᐊᑑᑎᔭᐅᒪᒋᐊᖃᓲᖑᒻᒥᔪᖅ ᐱᓇᓱᐊᕈᓯᕐᓂ ᐱᖓᓲᔪᕐᑐᓂ, ᑕᒪᒃᑯᓄᖓ ᓄᓇᕕᒻᒥᐅᑦ Nunavimmiut ᐊᑑᑎᔭᐅᒪᒋᐊᖃᓲᖑᒻᒥᔪᖅ ᐱᓇᓱᐊᕈᓯᕐᓂ ᐱᖓᓲᔪᕐᑐᓂ, ᑕᒪᒃᑯᓄᖓ ᓄᓇᕕᒻᒥᐅᑦ ᓱᐳᕐᑐᓲᖑᓂᖏᓐᓄᑦ ᐃᓚᐅᕕᐅᒍᓐᓇᓲᓂᒃ. ᐅᒃᑯᐃᖔᕐᑎᑕᐅᓲᖑᑦᓱᓂ ᐅᑭᐅᓕᓐᓄᑦ 8-ᓂᒃ ᐱᒋᐊᕐᑐᓂᒃ (ᐊᖓᔪᕐᖄᒥᓄᑦ ᐊᖏᕐᑕᐅᒪᔪᓄᑦ). ᑕᒪᒃᑯᐊ ᐱᔪᑦᓴᐅᔮᕐᑐᐃᑦ ᓯᑯᑦᓴᔭᕐᑖᕈᓐᓇᑐᑦ ᐊᓐᓂᐊᕕᒻᒥᑦ, ᐃᓕᓐᓂᐊᕕᓐᓂᑦ ᐅᕝᕙᓘᓐᓃᑦ ᑲᕙᒫᐱᒃᑯᑦ ᐊᓪᓚᕕᖓᓂᑦ ᐅᕝᕙᓘᓐᓃᑦ ᓄᓇᕕᒻᒥ ᐃᓗᓯᓕᕆᔨᒃᑯᑦ ᐊᓪᓚᕕᖓᓂᑦ.

ᓵᓚᖃᕈᑎᓂᒃ ᐱᕕᖃᕐᑎᑕᐅᔪᖃᖃᑦᑕᓯᒪᓕᕐᐳᖅ ᑕᒪᒃᑯᓇᓂ ᐊᕐᕌᒍᓯᒪᔪᕐᓂ, ᐅᑦᑑᑎᒋᓗᒋᑦ:

  • ᒪᕐᕈᐃᓂᒃ ᐅᑎᕈᑎᓕᓐᓂᒃ ᖃᖓᑦᑕᐅᑎᓂᒃ ᓄᓇᕕᒻᒥ ᒪᓐᑐᔨᐊᒧᑦ;
  • ᒪᕐᕈᐃᓂᒃ ᐅᑎᕈᑎᓕᓐᓂᒃ ᖃᖓᑦᑕᐅᑎᓂᒃ ᓄᓇᕕᒻᒨᓕᖓᔪᓂᒃ ᑭᓯᐊᓂ;
  • ᐁᑦᑑᑎᑦᓴᓂᒃ ᐱᑖᕈᓐᓇᐅᑎᓂᒃ ᐅᓄᕐᓂᑕᖃᕐᓱᑎᒃ $25-ᒥᑦ $1000-ᓄᑦ ᑖᓚᓄᑦ.

ᓄᓇᓖᑦ ᑲᔪᖏᕐᓴᑕᐅᔪᑦ ᓱᓇᓱᐊᕐᑎᓯᖁᔭᐅᑦᓱᑎᒃ ᑫᓪᓗᑐᐃᒐᓱᐊᕐᓗᑎᒃ ᓱᐴᕈᑎᒥᒃ ᐊᑐᕐᑎᓯᑦᑌᓕᓂᖃᕐᑎᓗᒍ, ᐱᓇᓱᐊᕐᑕᐅᔪᖃᕐᓗᓂ ᑕᑯᓐᓈᓂᖃᕐᑐᒥᒃ ᐱᒪᑎᑦᓯᑌᓕᓂᕐᒥᒃ ᐅᕝᕙᓘᓐᓃᑦ ᓱᐳᕐᑐᓗᐊᖕᖏᓂᕐᓴᐅᖁᔨᓂᖃᕐᓗᓂ ᐅᕝᕙᓘᓐᓃᑦ ᑌᒣᑦᑐᒨᕐᑌᓕᒪᓂᖃᖃᑦᑕᓗᓂ, ᐱᓇᓱᐊᕐᑕᐅᔪᖃᕐᒥᓗᓂ ᑫᓪᓗᑐᐃᒐᓱᐊᕐᓂᒧᑦ ᓱᐳᕐᑐᓲᖑᖏᓱᑎᒃ ᐃᓅᓯᖃᕆᐊᒥᒃ ᐱᓇᓱᐊᕐᑕᐅᔪᖃᕐᓗᓂᓘᓐᓃᑦ ᑐᑭᓯᒪᐅᑎᑦᓯᓗᓂ ᓱᐳᕐᑐᓂᐅᑉ ᑲᑉᐱᐊᓇᕐᓂᖓᓂᒃ. ᓱᓇᓱᐊᕐᑕᐅᒍᒪᔪᓕᒫᓂᒃ ᑐᖕᖓᓱᑦᑎᓯᓂᐊᕐᐳᒍᑦ, ᐊᒻᒪᓗ ᑕᒪᒃᑯᐊ ᐱᓇᓱᑦᑎᕗᑦ ᐱᒪᑎᑦᓯᑌᓕᒐᓱᐊᕐᓂᒧᑦ ᖃᓄᐃᖏᓯᐊᕐᓂᓕᕆᓂᕐᒧᓗ ᐊᑐᐃᓐᓇᐅᖏᓐᓇᓕᒫᑦᓱᑎᒃ, ᐱᔭᐅᒍᒪᔪᖃᕐᐸᑦ ᓱᓇᒐᓚᓐᓂᒃ, ᑐᑭᓯᒪᐅᑎᑦᓴᓂᓪᓘᓃᑦ ᐅᕝᕙᓘᓐᓃᑦ ᑮᓇᐅᔭᕐᑖᕋᓱᐊᕈᓐᓇᐅᑎᓂᒃ.
 

ᓱᐳᕐᑐᓂᐅᑉ ᓱᕃᓲᖑᓂᖓᓄᑦ ᑎᒥᐅᑉ ᖃᓄᐃᖏᓯᐊᕐᓂᖓᓂᒃ

ᓱᐴᕈᑎᐅᑉ ᐳᔪᕆᓲᖓ ᑐᖓᓕᕆᔭᐅᔪᖅ

ᓱᐴᕈᑎᐅᑉ ᐳᔪᕆᓲᖓ ᓱᐴᕈᑎᒃ ᐃᑯᒪᑎᓪᓗᒍ ᐳᔪᕐᕕᕆᔭᐅᓲᖑᕗᖅ ᑕᒪᓐᓇᓗ ᑖᓐᓇ ᓱᐳᕐᑐᑐᖅ ᐊᓂᑦᓯᓕᑐᐊᕐᒪᑦ ᐄᑫᓐᓇᑕᕐᒥᓂᒃ. ᑕᒪᑦᓱᒪᐅᑉ ᐳᔪᖓ ᐱᐅᖕᖏᓕᑎᕆᓯᓲᖑᕗᖅ ᑕᒫᓂ ᐊᕙᑎᓕᒫᓂᑦᑐᓂᒃ ᐊᒻᒪᓗ ᓱᕐᕃᓂᖃᕈᓐᓇᓱᓂ ᐃᓄᓐᓄᑦ ᓀᒪᔭᐅᑐᐊᕋᒥ. ᐱᐊᕃᑦ ᐊᑦᑕᕆᔭᖃᕐᓂᓴᐅᓲᑦ ᑕᒪᑦᓱᒥᖓ ᐳᔪᕐᒥᒃ. ᑌᒣᒻᒪᑦ ᓱᐳᕐᑐᓂᐊᕐᑐᐃᑦ ᓯᓚᒥ ᑭᓯᐊᓂ ᓱᐳᕐᑐᓲᖑᖁᔭᐅᕗᑦ.

ᐋᓐᓂᐊᓕᕐᑎᑕᐅᓲᑦ ᑕᒪᑦᓱᒧᖓ ᐳᔪᕐᒧᑦ ᐃᓕᖓᔪᓄᑦ ᐊᒻᒪᓗ ᐃᓄᒻᒪᕆᐅᓕᕐᑐᐃᑦ ᓱᐳᕐᑐᓲᖑᓂᖏᓐᓄᑦ ᒪᑯᐊᖑᔪᑦ:

  • ᐳᕙᒃᑯᑦ ᐊᕐᕿᑕᐅᕐᖃᔭᖕᖏᑐᒥᒃ
  • ᐆᒻᒪᑎᒃᑯᑦ ᐃᓚᖃᕐᑎᓗᒍ ᐅᒻᒪᔮᓂᕐᒥᒃ ᐊᒻᒪᓗ ᖃᕆᑕᒃᑯᑦ ᓱᒃᑯᑕᐅᓂᕐᒥᒃ.

ᑕᒪᓐᓇ ᐳᔪᖅ ᐃᓕᖓᑎᑕᐅᓂᖃᕐᒥᔪᖅ ᐋᓂᕐᑎᕆᑦᓯᐊᖏᓐᓂᒥᒃ ᐱᓀᓗᑕᐅᓲᓄᑦ ᒪᑯᓄᖓ ᐳᕙᖃᑦᓯᐊᖏᓐᓂᓄᑦ ᐃᒡᒋᐊᓕᕆᓂᕐᓄᓗ.

ᐱᐊᕃᑦ ᐊᑯᓐᓂᖏᓐᓂᒃ ᒪᑯᓂᖓ ᑌᒣᓕᖓᒍᑎᖃᓲᑦ:

  • ᐃᓅᓕᕈᓂ ᐅᑭᓗᐊᑐᐃᓐᓇᕆᐊᓕᒃ ᐊᓈᓇᖓ ᓀᒪᖃᑦᑕᑐᕕᓂᐅᑉᐸᑦ ᐳᔪᕐᒥᒃ;
  • ᓄᑕᕋᖓ ᑐᖁᑲᓪᓚᑐᐃᓐᓇᕆᐊᖃᕋᔭᕐᓱᓂ;
  • ᐃᒻᒪᑐᐃᓐᓇᕆᐊᖃᓲᖑᑦᓱᑎᒃ ᐳᒃᑭᓂᕐᓴᑯᕐᑐᑎᒍᑦ ᐊᓂᕐᑎᕆᐅᑎᖓᒍᑦ, ᒪᑦᓱᒧᖓ ᐃᒡᒋᐊᓗᓐᓇᑐᓄᑦ ᐳᕙᒃᑯᓗ ᐃᒻᒪᓯᒪᓂᕐᒧᑦ.
  • ᐳᕙᖃᑦᓯᐊᖏᑦᑑᑐᐃᓐᓇᕆᐊᖃᓲᑦ ᐅᕝᕙᓘᓐᓃᑦ ᐃᓱᐃᓪᓕᐅᕈᑎᖃᑐᐃᓐᓇᕆᐊᖃᓲᑦ;
  • ᓯᐅᑎᒥᒍᑦ ᐃᒻᒪᖃᑦᑕᑐᐃᓐᓇᕆᐊᓖᑦ ᑐᓵᑦᓯᐊᕈᓐᓀᓚᕿᓂᐊᓕᕋᒥᒃ.

ᖃᐅᔨᒪᓚᐅᕐᐲᑦ?

ᐱᐊᕋᕐᒥᒃ ᖃᕆᐊᒦᖃᑕᐅᔪᖃᓕᑐᐊᕐᒪᑦ ᐳᔪᕐᑐᖃᕐᑎᓗᒍ ᓀᒪᓯᓲᖑᒻᒪᑦ ᓱᒃᑯᓇᕐᑐᑕᓕᐊᓗᒻᒥᒃ ᑌᒣᓪᓗᐊᑎᒋᔪᒥᒃ 10-ᓄᑦ ᓱᐳᕐᑐᑕᐅᒍᓐᓇᓲᓄᑦ ᐃᓄᒻᒪᕆᒻᒧᑦ.

ᐱᐊᕋᑦᓴᓖᑦ ᓱᐳᕐᑐᓕᑐᐊᕋᒥᒃ

ᓱᐴᕈᑎᒥᒃ ᓄᕐᖃᕋᓱᐊᕆᐊᖅ ᐊᔪᕐᓇᑑᒍᓐᓇᑐᖅ, ᑭᓯᐊᓂ ᐱᐅᓂᕐᓴᐅᒍᑎᓕᒻᒪᕆᐊᓗᒃ ᓄᕐᖃᑐᐊᕈᓂ ᐱᐊᕋᑦᓴᖃᓕᕈᓂ. ᐊᓂᕐᑎᕆᑦᓯᐊᓂᕐᓴᐅᓂᐊᕐᑐᑎᑦ, ᓄᑭᖃᑦᓯᐊᓂᕐᓴᐅᓗᑎᓪᓗ, ᑮᓇᐅᔭᑎᓪᓗ ᐊᑐᖃᑦᑕᖏᑦᑕᑐᑦ ᓱᐴᕈᑎᒧᑦ ᐅᓄᕐᑐᒪᕆᐅᒍᓐᓇᓱᑎᒃ ᐊᒻᒪᓗ ᓂᖀᑦ ᒪᒪᕐᓂᓴᐅᓲᖑᑦᓱᑎᒃ.

ᖃᓄᖅ ᓱᐴᕈᑎᐅᑉ ᐳᔪᖓᓂᒃ ᐃᑯᓪᓚᐅᒥᑎᑦᓯᒋᐊᕈᓐᓇᐱᑕ ᓱᕐᕃᓲᖑᓂᖓᓄᑦ

  • ᓄᕐᖃᓗᑎᑦ ᓱᐴᕈᑎᒥᒃ ᐱᕕᖃᕐᐸᑦ;
  • ᓱᐴᕐᑐᑌᓕᓗᑎᑦ ᐃᓪᓘᑉ ᐃᓗᐊᓂ;
  • ᐃᖏᕐᕋᐅᑏᑦ ᐃᓗᐊᓂ ᓱᐴᕐᑐᑌᓕᓗᑎᑦ;
  • ᐱᐊᕋᖃᕐᑎᓗᒍ ᓱᐴᕐᑐᑌᓕᓗᑎᑦ;
  • ᐱᓇᓱᕝᕕᓂ ᓱᐴᕈᑎᒥᒃ ᐊᑐᕐᑕᐅᖁᔨᒍᓐᓀᓲᖑᓗᓂ;
  • ᑐᓴᕐᑎᓯᓗᓂ ᐃᓄᓐᓂᒃ ᓱᐴᕈᑎᐅᑉ ᐳᔪᖓᑕ ᑲᑉᐱᐊᓇᕐᑑᓂᖓᓄᑦ;
  • ᓱᐳᕐᑐᕕᐅᓲᖑᖏᑐᓂᒃ ᐊᕙᑎᖃᕐᓗᓂ.
     

ᓱᐴᕈᑎᒥᒃ ᐱᓪᓗᐊᑌᓕᒪᓂᕐᒧᑦ

ᐊᒥᓱᒐᓚᓐᓂᒃ ᐱᕕᑦᓴᖃᕐᐳᖅ ᐃᑲᔪᕈᓐᓇᑐᓂᒃ ᓱᐴᕈᑎᒥᒃ ᐱᓗᐊᕐᑌᓕᒪᔾᔪᑎᑦᓴᓄᑦ. ᑕᒫᓂ ᑭᖑᓂᐊᓂ ᐅᑦᑐᕋᐅᑎᖃᕐᐳᖅ ᒪᑯᓂᖓ.

ᐃᑲᔪᕐᑕᐅᒍᓐᓀᓗᓂ

ᐃᓄᑑᓈᕐᑎᑐᐃᑦ ᓱᐴᕈᑎᒥᒃ ᓄᕐᖃᕈᓐᓇᑐᑦ ᓯᓚᑖᓂᒥᐅᓄᑦ ᐃᑲᔪᕐᑕᐅᒍᓐᓀᓗᑎᒃ. ᑕᒪᓐᓇᐅᓕᑐᐊᕐᒪᑦ ᐊᑦᓱᕈᕐᓇᑐᐃᓐᓇᕆᐊᓕᒃ, ᑕᒪᓐᓇ ᓱᐴᕈᑎᐅᑉ ᐱᒪᓇᕐᓂᖓ ᑎᒥᒨᔭᕈᓐᓀᑐᐊᕐᒪᑦ. ᑭᓯᐊᓂ ᑕᒪᓐᓇ ᐱᐅᔫᒍᑎᓕᒃ ᐊᑭᖃᕆᐊᑐᖕᖏᓂᖓᓄᑦ: ᓂᐅᕕᕈᑕᐅᒋᐊᑐᕈᓐᓀᑐᐊᕐᒪᑦ.

ᐃᑲᔪᕆᐊᕐᑕᐅᕕᐅᒍᓐᓇᑐᓄᑦ

ᐃᓄᑑᓇᕐᑎᑐᒥᒃ ᑕᑯᓂᐊᕐᑐᖃᕈᓐᓇᑐᖅ ᐋᓐᓂᐊᓯᐅᕐᑎᒥᒃ ᐋᓐᓂᐊᓯᐅᑎᑖᕐᑎᑕᐅᓂᐊᕋᒥ ᓄᕐᖃᕋᓱᐊᕈᑎᒥᒃ ᓴᐴᕈᑎᒥᒃ. ᐱᔭᐅᔪᖃᕐᓂᐸᐅᓲᖑᑦᓱᓂ Zyban-ᓂᒃ, ᑯᑦᓱᓂᓪᓗ ᐊᒻᒪᓗ ᓂᐱᖕᖓᑕᕐᓂᒃ. ᑕᒪᒃᑯᐊ ᓴᓇᔭᐅᒪᔪᑦ ᐃᑯᓪᓚᐅᒥᑎᑦᓯᒍᑎᑦᓴᐅᑎᓗᒋᑦ ᓱᐴᕈᑎᒥᒃ ᐱᕐᖃᔦᕐᐸᓕᐊᓂᕐᒧᑦ ᐱᒍᒥᓇᕐᓂᖓᓂᒃ.

ᓴᐳᒻᒥᔭᐅᓂᒃᑯᑦ ᐊᓯᖏᓐᓄᑦ ᐊᒻᒪᓗ ᓴᐳᒻᒥᔨᓄᑦ ᑲᑎᒪᐅᑎᔪᓄᑦ

ᑐᑭᑖᑐᐊᕋᒥ ᓱᐴᕈᑎᒥᒃ ᓄᕐᖃᓯᒋᐊᒥᒃ ᐊᓯᑦᔩᓲᖑᕗᖅ ᐃᓄᑑᓈᕐᑎᑑᑉ ᐃᓅᓯᖓᓂᒃ ᐊᒻᒪᓗ ᑖᑦᓱᒪᐅᑉ ᓴᓂᐊᓂᓲᑦ ᓱᕐᕋᑕᐅᒍᓐᓇᓂᖏᓐᓄᑦ. ᐃᓚᖏᑦ ᐃᓄᑑᓈᕐᑎᑐᐃᑦ ᓂᐊᖁᖕᖑᓯᓲᑦ, ᐅᖁᒣᓪᓕᐅᑐᒥᓪᓗ ᐱᐅᓯᖃᕐᓱᑎᒃ, ᑳᓕᖃᑦᑕᓱᑎᒃ, ᑲᕙᕐᓱᑎᒃ ᕿᓄᖓᖕᖑᓱᑦᓱᑎᓪᓗ ᓱᐴᕈᑎᒥᒃ ᓄᕐᖃᖓᓕᑐᐊᕋᒥᒃ. ᐊᓯᖏᑦ ᐃᓄᐃᓪᓕᐅᓯᓲᖑᒻᒥᔪᑦ ᑖᓐᓇᑐᐊᔪᔮᓯᑦᓱᑎᓪᓘᓃᑦ. ᐊᓪᓗᕆᐊᕆᐊᖕᖓᕈᓐᓇᕋᔭᕐᑐᖅ ᐅᖄᖃᑎᖃᕐᓗᓂ ᑭᓇᑐᐃᓐᓇᒥᒃ - ᐃᓚᒥᓂᒃ, ᐱᖃᑎᒥᓂᒃ, ᐱᓇᓱᖃᑎᒥᓂᒃ - ᓄᕐᖃᕈᒪᓕᕐᓂᒥᓄᑦ ᓱᐴᕈᑎᒥᒃ. ᐋᓐᓂᐊᓯᐅᕐᑎᒥᒃ ᑕᑯᓂᐊᕈᓂ ᐃᑲᔪᕐᓯᔭᐅᒐᔭᕐᒥᔪᖅ. ᓴᐳᒻᒥᔨᐅᓂᐊᕐᑐᓂᒃ ᑲᑎᒪᐅᑎᔪᓂᒃ ᓄᐃᑕᐅᔪᖃᕈᓂ ᐱᐅᔫᒐᔭᕐᑐᖅ ᖃᓄᐃᓕᐅᖃᑎᖃᓲᖑᓗᓂ ᖃᐅᑕᕐᒫᕐᓯᐅᑎᓄᐊᖓᔪᓄᑦ ᓱᕐᕋᑕᐅᒪᓂᖓᓄᓪᓗ ᓄᕐᖃᕆᐊᒥᒃ ᓂᕈᐊᕐᓯᒪᓕᑐᐊᕋᒥ.

ᐃᓅᓯᖃᕐᓂᒧᑦ

ᓱᐴᕈᓯᔭᖕᖏᖔᕐᓗᓂ ᐃᒣᓕᐅᕈᓐᓇᒥᔪᖅ ᑎᒥᒻᒥᓂᒃ ᓱᓇᓱᐊᕐᑎᓯᒐᓚᓪᓗᓂ, ᐱᕙᓪᓕᐊᑎᑦᓯᓗᓂ ᐅᖁᒣᓪᓕᐅᓂᕐᒥᒃ ᑲᒪᒋᔭᖃᑦᓯᐊᕈᓯᕐᒥᒃ, ᓯᓂᑦᓯᐊᓂᕐᓴᐅᒍᑎᑦᓴᓂᓪᓗ ᖃᐅᔨᓴᕐᓗᓂ, ᐃᓕᑦᓯᕙᓪᓕᐊᓗᓂ ᓄᑖᓂᒃ ᓂᕿᓕᐅᕈᓯᕐᓂᒃ ᐊᓯᖏᓐᓂᓗ.
 

ᖃᕆᑕᐅᔭᒦᑦᑎᑕᐅᔪᓄᑦ

ᑲᓇᑕᐅᑉ ᐊᓐᓂᐊᕕᓕᕆᔨᒻᒪᕆᖏᑦ ᑐᐹᑭᓕᕆᐅᑎᖏᓐᓄᑦ    (ᖃᓪᓗᓈᑎᑐᑦ ᑭᓯᐊᓂ)
http://www.lung.ca/    (ᖃᓪᓗᓈᑎᑐᑦ ᑭᓯᐊᓂ)
http://www.livehealthy.gov.nu.ca/iu/node/313     (ᖃᓪᓗᓈᑎᑐᑦ ᑭᓯᐊᓂ)
http://www.msss.gouv.qc.ca/sujets/santepub/tabac/index.php?accueil-en    (ᖃᓪᓗᓈᑎᑐᑦ ᑭᓯᐊᓂ)
http://www.lagangallumee.com/en/   (ᖃᓪᓗᓈᑎᑐᑦ ᑭᓯᐊᓂ)
http://www.defacto.ca/home    (ᖃᓪᓗᓈᑎᑐᑦ ᑭᓯᐊᓂ)

ᐅᖄᓚᐅᑎᒃᑯᑦ ᓴᐳᒻᒥᕖᑦ ᓱᐴᕈᑎᒥᒃ ᐱᑦᑌᓕᒪᒐᓱᐊᕐᑐᓄᑦ

1 866-527-7383 (ᑯᐯᒃᒥ)