ᖃᓄᐃᖕᖏᓯᐊᕐᓗᓂ ᐃᓅᓯᖃᕈᓐᓇᓂᕐᒥᒃ ᖃᐅᔨᒪᔭᐅᑎᑦᓯᕕᐅᓲᑦ

ᐅᖄᒍᑎᖃᓕᑐᐊᕋᑦᑕ ᐊᕙᑎᒋᔭᐅᓲᓂᒃ ᑫᓪᓗᑐᐃᓂᖃᑦᓯᐊᑐᒧᑦ ᖃᓄᐃᖏᓯᐊᕐᑐᒥᒃ ᐃᓅᓯᖃᕐᓂᒥᒃ, ᓯᑕᒪᓂᒃ ᐃᓕᑕᕆᔭᐅᔪᖃᕐᓯᒪᓕᕐᑐᖅ ᑲᔪᖏᕐᓭᕈᑎᐅᒍᓐᓇᑐᓂᒃ ᐃᓅᖃᑎᒋᑦᑐᓂᒃ ᓇᓪᓕᑳᕆᒋᐊᖃᓕᕈᑎᒃ ᐱᕙᓪᓕᓂᕐᓴᐅᒍᑎᐅᒍᓐᓇᑐᓄᑦ ᖃᓄᐃᖏᓯᐊᕋᓱᐊᕐᓂᒧᑦ.

ᑕᒪᒃᑯᐊ ᐊᕙᑎᒋᔭᐅᒍᓐᓇᑐᐃᑦ ᒪᑯᐊᖑᒻᒪᑕ: ᑎᒻᒥᒨᓕᖓᔪᑦ, ᐃᓅᓯᒃᑯᑦ ᐃᓗᕐᕈᓯᓕᕆᐅᑏᑦ, ᐱᓂᐊᕐᓂᓕᕆᓃᑦ ᐊᒻᒪᓗ ᒪᑭᑕᒐᓱᐊᕐᓂᒨᓕᖓᔪᐃᑦ.

ᓯᑕᒪᓂᒃ ᐊᕙᑎᒋᔭᐅᒍᓐᓇᑐᓂᒃ
ᖃᐅᔨᔭᐅᑎᑦᓯᓂᕐᒧᑦ ᑲᑎᒪᓃᑦ
ᐃᑲᔪᕐᓯᒪᐅᑏᑦ

ᓯᑕᒣᑦ ᐊᕙᑎᒋᔭᐅᒍᓐᓇᑐᑦ

ᐃᓚᖓᑦ 1 (ᖃᓪᓗᓈᑎᑐᑦ ᑭᓯᐊᓂ)
ᐃᓚᖓᑦ 2 (ᖃᓪᓗᓈᑎᑐᑦ ᑭᓯᐊᓂ)

ᑕᒫᓂ ᐅᑦᑐᕋᐅᑎᖃᕐᐳᖅ ᒪᑯᓄᖓ ᐊᑐᓂᑦ:

ᐊᕙᑎᒨᓕᖓᔪᓄᑦ

  • ᓯᓚᖓᑦ
  • ᐃᓱᐊᖁᑎᖏᑦ

ᐃᓅᓯᒃᑯᑦ ᐃᓗᕐᕈᓯᓕᕆᐅᑎᓄᑦ

  • ᐃᓅᖃᑕᐅᓂᒃᑯᑦ ᐊᑑᑎᔭᐅᓲᑐᖃᕐᓄᑦ
  • ᐃᓪᓕᕆᔭᐅᔪᐃᓪᓗ ᐊᒻᒪᓗ ᐅᑉᐱᕆᔭᐅᔪᐃᑦ

ᐱᓂᐊᕐᓂᓕᕆᐅᑎᓄᑦ

  • ᒪᓕᒉᓪᓗ ᐊᑑᑎᒋᐊᓖᓪᓗ
  • ᐊᖏᖃᑎᒌᒍᑎᐅᓯᒪᔪᑦ ᑎᒥᐅᔪᐃᑦ ᐊᑯᓐᓂᖏᓐᓂ

ᒪᑭᑕᒐᓱᐊᕐᓂᓕᕆᓂᕐᒧᑦ

  • ᓂᕿᐅᑉ ᐊᑭᖏᑦ
  • ᐱᓇᓱᒐᕐᒥᒃ ᐱᕕᖃᕈᓐᓇᓂᕐᒧᑦ

ᑕᒪᒃᑯᐊᓕᒫᑦ ᐊᑐᓕᕐᑎᓯᒍᑎᐅᒍᓐᓇᑐᑦ ᖃᓄᐃᖏᓯᐊᕐᑐᒥᒃ ᐃᓅᓯᖃᕋᓱᐊᕐᓂᒧᑦ ᐱᕕᖃᕈᓐᓇᓂᕐᒧᓘᓐᓃᑦ ᐱᒍᑦᔨᒍᑎᓄᑦ ᓂᐅᕕᐊᑦᓴᓄᓪᓘᓃᑦ ᐱᐅᓂᕐᓴᒥᒃ ᓂᕈᐊᕐᑎᓯᒍᑕᐅᒍᓐᓇᑐᓂᒃ ᐊᑐᓂᑦ ᐃᓄᑑᓈᕐᑎᑐᓄᑦ. ᐅᖃᕐᑕᐅᓚᕆᒋᐊᖃᕐᒥᔪᖅ ᑕᒪᒃᑯᐊ ᐊᕙᑎᒋᔭᐅᔪᕐᒨᓕᖓᔪᓄᑦ ᑐᑭᑖᕐᑕᐅᓂᐊᕐᑐᑦ ᓱᕐᕃᓂᖃᕈᓐᓇᓚᖓᒻᒥᒪᑕ ᐊᓯᖏᓐᓂᒃ ᐊᕙᑎᒋᔭᐅᒻᒥᔪᕐᓂᒃ.

ᖃᐅᔨᔭᐅᑎᑦᓯᓂᕐᒧᑦ ᑲᑎᒪᓂᖃᕐᓂᒧᑦ

ᑕᒪᒃᑯᓇᓂ ᑕᕐᕿᓂ ᙯᔪᕐᓂ, ᓄᓇᓖᑦ ᐳᓛᕆᐊᕐᕕᐅᖃᑦᑕᓚᖓᔪᑦ ᖃᐅᔨᔭᐅᑎᑦᓯᓂᖃᕋᓱᐊᕐᑐᓄᑦ ᐊᑦᔨᒋᖏᑐᓄᑦ ᑎᒥᐅᔪᕐᓄᑦ ᑕᒪᑦᓱᒧᖓ ᐊᕙᑎᒋᔭᐅᓲᖑᓂᓕᕆᓂᕐᒧᑦ ᐱᐅᓂᕐᓴᐅᓂᖃᕐᑐᓄᑦ ᖃᓄᐃᖏᓯᐊᕐᑐᒥᒃ ᐃᓅᓯᖃᕋᓱᐊᕐᓂᒧᑦ.

ᑐᕌᒐᖃᓗᐊᖑᐊᓂᐊᕐᑐᖅ ᑕᒪᒃᑯᐊ ᐳᓛᕆᐊᕐᓂᐅᓂᐊᕐᑐᑦ ᑐᓴᕐᑎᑕᐅᔪᖃᕐᓂᐊᑎᓗᒍ ᑎᒥᐅᔪᕐᓂᒃ, ᑖᒃᑯᐊ ᑎᓕᔭᐅᒪᒍᑎᖃᕐᓂᐊᖏᒃᑲᓗᐊᕐᐸᑕ ᖃᓄᐃᖏᓯᐊᕐᓂᒨᓕᖓᔪᒧᑦ, ᑕᒪᒃᑯᐊ ᑐᑭᑖᕆᓲᖏᑦ ᐃᓛᑎᒍᑦ ᓱᕐᕃᓂᖃᕈᑐᐃᓐᓇᕆᐊᖃᕐᒪᑕ ᓄᓇᓕᒻᒥᐅᑦ ᖃᓄᐃᖏᓯᐊᕐᓂᖏᓐᓄᑦ ᐊᒻᒪᓗ ᐊᑐᕐᑎᓯᑦᓯᐊᕋᓱᐊᕐᓗᓂ ᐃᓗᓐᓀᓄᑦ ᐅᖃᐅᓯᖃᕐᓂᒥᒃ ᐅᖄᖃᑎᒌᓕᑐᐊᕈᑦᑕ. ᑐᕌᒐᖃᕐᒥᔪᖅ ᐃᓕᑕᕆᔭᐅᔪᖃᕐᓂᐊᑎᓪᓗᒍ ᐊᔪᐃᓐᓇᑕᐅᒪᔪᓂᒃ ᓄᓇᕕᐅᑉ ᓄᓇᓕᖏᓐᓄᑦ. ᑭᖑᓪᓕᐸᐅᑎᓗᒍ, ᑐᕌᒐᖃᕐᒥᔪᖅ ᑕᒪᒃᑯᐊ ᐃᓅᖃᑕᐅᔪᐃᑦ ᖃᐅᔨᑎᒐᓱᐊᕐᓗᒋᑦ ᓄᑭᖃᕆᐊᖏᑦ ᐊᓯᑦᔩᒍᓐᓇᓂᕐᒧᑦ ᓱᓇᑐᐃᓐᓇᓂᒃ, ᒥᑭᔪᕐᔫᔮᕐᓂᐊᕋᓗᐊᕐᐸᑦ ᑕᑯᒋᐊᖕᖓᓕᕈᑦᓯᐅᒃ.

ᐃᑲᔪᕐᓯᒍᑕᐅᒍᓐᓇᑐᓄᑦ

ᑐᑭᓯᒋᐊᓪᓚᕈᒪᔪᖃᕐᐸᑦ, ᑲᔪᖏᕐᓴᕈᑎᐅᒍᓐᓇᑐᓄᑦ ᐊᓯᖏᓐᓄᓘᓐᓃᑦ, ᑕᑯᒋᐊᕈᓐᓇᐳᑎᑦ ᖃᕆᑕᐅᔭᒃᑯᑦ Veille Action (ᖃᓪᓗᓈᑎᑐᑦ ᑭᓯᐊᓂ) ᑐᑭᓯᒋᐊᕈᒪᒍᕕᑦ ᐊᑦᔨᒋᖏᑐᓂᒃ ᖃᓄᐃᖏᓯᐊᕐᑐᒥᒃ ᐃᓅᓯᖃᕋᓱᐊᕐᓂᒨᓕᖓᔪᓂᒃ.