ᑲᒃᑲᓛᑦ, ᐱᐊᕃᑦ ᓯᕗᓪᓕᐅᔭᐅᒋᐊᖃᕐᓂᖏᑦᑕ

ᑲᒃᑲᓛᑦ, ᐱᐊᕃᑦ ᓯᕗᓪᓕᐅᔭᐅᒋᐊᖃᕐᓂᖏᑦᑕ ᐱᒋᐊᕐᑎᑕᐅᓯᒪᓂᖓ (CFI) is a federal initiative  ᑲᕙᒪᑐᖃᒃᑯᓄᑦ ᐱᒋᐊᕐᑎᑕᐅᓯᒪᕗᖅ ᓄᐃᑕᐅᓯᒪᑦᓱᓂ ᐱᐅᓯᑎᑦᓯᒋᐊᕐᑎᓯᒍᑎᑦᓴᐅᓱᓂ ᐃᓄᐃᑦ ᕿᑐᕐᖓᖏᑦ ᐱᒍᑦᔭᐅᒍᑎᖏᓐᓂᒃ ᖃᓄᐃᖕᖏᓯᐊᕆᐊᖃᕐᓂᒧᑦ, ᐃᓄᓕᕆᔭᐅᒋᐊᖃᕐᓂᒧᑦ ᐃᓕᓴᕆᐊᖃᕐᓂᒧᓪᓗ. ᐋᕐᕿᓱᕐᑕᐅᓯᒪᔪᑦ ᐱᒍᑦᔨᒍᑕᐅᓂᖓᑎᒍᑦ Jordan Principle*-ᓚᔭᐅᔫᑉ ᐃᓄᐃᑦ ᕿᑐᕐᖓᖕᖏᓐᓂᒃ ᐱᒍᑦᔨᐅᑎᐅᒋᐊᓕᓐᓂᒃ ᐱᒍᑦᔨᒍᑎᑦᓴᓕᐊᒍᓯᒪᒻᒪᑕ. ᐱᒍᑦᔨᐅᑏᑦ ᑮᓇᐅᔭᖃᕐᑎᑕᐅᑦᓱᑎᒃ ᑲᕙᒪᑐᖃᒃᑯᓂᑦ ᐊᐅᓚᑕᐅᓂᖃᕐᑎᓗᒋᑦ ᑮᓇᐅᔦᑦ ᐱᓇᓱᕝᕕᓄᑦ ᐱᓇᓱᖃᑎᒋᔭᐅᔪᓄᓪᓗ ᓄᓇᕕᒻᒥ, ᐊᑯᓃᕐᑐᒨᓕᖓᔪᓂᒃ ᑲᒪᒍᑎᑦᓴᓕᐅᕈᒪᔪᓄᑦ ᐃᓄᐃᑦ ᕿᑐᕐᖓᖏᑦᑕ ᑭᖕᖒᒪᒋᔭᖓᑎᒎᕐᑎᓗᒋᑦ. ᑲᒃᑲᓛᑦ, ᐱᐊᕃᑦ ᓯᕗᓪᓕᐅᔭᐅᒋᐊᖃᕐᓂᖏᑦᑕ ᐱᒋᐊᕐᑎᑕᐅᓯᒪᓂᖓ ᑐᕌᒐᖃᕈᑕᐅᕗᖅ ᑮᓇᐅᔭᖃᕐᑎᓯᒍᑎᑦᓴᐅᓂᐊᕐᑎᓗᒍ ᐱᒍᑦᔨᐅᑎᑦᓴᓂᒃ ᐊᑐᐃᓐᓇᐅᖏᑉᐸᑕ ᐱᒍᑦᔭᐅᒍᑎᑦᓭᑦ ᐊᑐᐃᓐᓇᕆᔭᐅᒋᐊᖃᓕᕐᓗᑎᒃ ᐅᕝᕙᓘᓐᓃᑦ ᐱᒍᑦᔭᐅᕕᑦᓴᖃᖕᖏᓗᑐᕐᐸᑦ.
 

ᓱᓇᓂᒃ ᐱᒍᑦᔭᐅᒍᑎᑦᓴᑕᓕᒃ ?

ᕿᑐᕐᖓᕆᔭᐅᔫᑉ ᐊᑑᑎᔭᖓ ᐊᑦᔨᒋᔭᐅᓲᒍᖕᖏᑐᖅ. ᑕᑲᒃᑯᐊᑕᒐ ᐆᑦᑐᕋᐅᑎᑦᓭᑦ ᓱᓇᐅᒻᒪᖔᑕ ᐃᓚᖏᑦ ᐱᒍᑦᔭᐅᒍᑎᐅᓲᑦ:

  • ᐱᓇᓱᑦᑎᑖᕐᓂᖅ ᐃᑉᐱᒋᔭᐅᑦᓯᐊᖁᒧᑦ ᑭᖑᓂᖓᒍᑦ ᖃᓄᐃᓕᕐᒪᖔᑕ ᖃᐅᔨᒋᐊᕐᑕᐅᖃᑦᑕᕆᐊᖃᕐᓂᖏᑦᑕ ᑭᑐᕐᖓᕆᔭᐅᔪᑦ ᐃᓚᖏᓪᓗ (ᐱᒍᑦᔭᐅᒋᐊᓪᓚᑖᕆᐊᓕᓐᓂᒃ ᐱᒍᑦᔨᔩᑦ, ᐱᓇᓱᕝᕕᒥᓄᑦ ᐅᑎᕐᐸᓕᐊᒋᐊᓕᓐᓂᒃ ᐱᒋᐅᕐᓴᑎᑦᓯᔩᑦ, ᐊᓯᖏᓪᓗ);
  • ᐱᐅᓯᐅᓗᑭᖕᖏᑐᑎᒍᑦ ᐅᓪᓗᓯᐅᕐᑎᑕᐅᒍᑎᑦᓴᖏᑦ ᑲᒃᑲᓛᑦ, ᐱᐊᕃᑦ ᑎᒥᒻᒥᒍᑦ ᐱᕐᖃᔭᑦᓯᐊᖏᑦᑑᒍᑎᓖᑦ;
  • ᐃᑲᔪᕐᑎᖃᕐᑎᑕᐅᓂᖅ ᐃᓱᒪᒃᑯᑦ ᖃᓄᐃᑦᑐᖃᕐᒪᖔᑦ ᖃᐅᔨᓴᕐᑕᐅᔪᖃᕆᐊᖃᕐᐸᑦ;
  • ᐱᒍᑦᔨᒋᐊᓪᓚᑖᕈᑎᑦᓭᑦ ᐋᓐᓂᐊᓯᐅᕆᒍᑏᑦ ᐱᓇᓱᒍᑎᑦᓭᓗ;
  • ᐅᖃᑦᓯᐊᕆᐅᕐᓴᑎᑦᓯᒍᑎᑦᓭᑦ ᑭᖕᖒᒪᓇᕐᑐᑦ;
  • ᐃᓕᓴᕆᐊᕐᑎᓯᒍᑎᑦᓭᑦ ᑭᖕᖒᒪᒋᔭᐅᔪᑎᒍᑦ;
  • ᖃᐅᔨᓴᕐᑕᐅᓃᑦ ᖃᕆᑕᕐᒨᓕᖓᔪᓕᕆᔨᓄᑦ;
  • ᐃᓕᓴᐅᑎᓂᒃ ᐊᓇᕐᕋᐅᔨᒐᕐᓂᖅ ᐱᔭᕇᕋᓱᐊᕐᑐᒥᒃ ᐃᑲᔪᖃᑦᑕᓂᖅ;
     

ᑭᓇᒃᑯᑦ ᐱᒍᑦᔭᐅᒍᓐᓇᐸᑦ ?

ᐃᓄᐃᑦ ᑭᑐᕐᖓᓕᒫᖏᑦ, ᓇᓂᒥᐅᒍᒐᓗᐊᕈᑎᒃ ᑲᓇᑕᒥ, ᑐᒃᓯᕋᐅᑎᓕᐅᕈᓐᓇᑐᑦ ᑮᓇᐅᔭᓂᒃ ᑲᒃᑲᓛᑦ ᐱᐊᕃᑦ ᓯᕗᓪᓕᐅᔭᐅᒋᐊᖃᕐᓂᖏᓐᓄᑦ ᐱᒋᐊᕐᑎᑕᐅᓯᒪᔪᑎᒍᑦ. ᑲᒃᑲᓛᖅ ᐱᐊᕋᖅ ᐃᒣᒋᐊᓕᒃ:

  • ᐃᓕᑕᕆᔭᐅᓂᖃᕐᓗᑎᒃ ᐃᓄᐃᑦ ᓄᓇᖓᓂ - ᓄᓇᑖᕋᓱᐊᕐᓂᒧᑦ ᐱᓇᓱᕝᕕᖓᓄᑦ;
  • ᐳᔮᕙᓐᓯᒥᓂ ᓄᓇᖃᕐᕕᒥᓂᓪᓘᓃᑦ ᐅᑭᐅᑭᓗᐊᕐᓂᕋᕐᑕᐅᔪᑦ.
     

ᑐᒃᓯᕋᐅᑏᑦ ᓴᐳᑦᔭᐅᒍᑎᑦᓭᓘᓐᓃᑦ ᓇᑭᑦ ᐱᔭᐅᒍᓐᓇᐸᑦ ?

ᑭᓇᒃᑯᑦ ᑐᒃᓯᕋᐅᑎᓕᐅᕈᓐᓇᐸᑦ ?

ᑕᑲᒃᑯᐊ ᑐᒃᓯᕋᐅᑎᓕᐅᕈᓐᓇᑐᑦ:

  • ᐃᓄᐃᑦ ᕿᑐᕐᖓᓖᑦ ᑲᒪᔩᓪᓘᓃᑦ;
  • ᐃᓄᒻᒧᑦ ᕿᑐᕐᖓᕆᔭᐅᔪᖅ 16-ᓂᒃ ᐅᑭᐅᓕᓐᓂᑦ ᐊᖓᔪᑦᓯᐅᓗᓂ, ᐃᒻᒥᓂᒃ ᑭᒡᒐᑐᕐᓗᓂ;
  • ᐊᖏᕐᑕᐅᓯᒪᑦᓱᓂ ᑭᒡᒐᑐᕐᑐᖅ ᕿᑐᕐᖓᕆᔭᐅᔪᒥᒃ, ᐊᖓᔪᕐᖄᕆᔭᐅᔪᖅ ᑲᒪᔨᓘᓐᓃᑦ (ᐊᖓᔪᕐᖄᕆᔭᐅᔪᖅ ᑲᒪᔨᓘᓐᓃᑦ ᐅᖃᐅᓯᒃᑯᑦ ᐊᓪᓚᓯᒪᔫᑎᓪᓗᒍᓘᓐᓃᑦ ᐊᖏᕈᑎᓕᐅᕐᓯᒪᒋᐊᓖᑦ)

ᐱᓇᓱᕝᕕᒃ ᓇᓪᓕᐊᓘᓐᓃᑦ ᐱᒍᑦᔨᕕᐅᔪᖅ ᑐᒃᓯᕋᐅᑎᓕᐅᕈᓐᓇᑐᑦ ᐊᒥᓱᓂᒃ ᕿᑐᕐᖓᕆᔭᐅᔪᓂᒃ ᑐᒃᓯᕋᐅᑎᓕᐅᕈᑎᖃᕐᓗᑎᒃ ᐊᑦᔨᒌᕙᓪᓗᓂᒃ ᑭᖕᖒᒪᑦᓯᓂᖃᕐᑐᓂᒃ ᐊᑦᔨᒌᖕᖏᑐᓂᓪᓗ ᐃᓚᒌᓂᑦ ᐱᓯᒪᓗᑎᒃ ᐅᕝᕙᓘᓐᓃᑦ ᑲᒪᒋᔨᓕᓐᓂᒃ ᑖᒃᑯᓂᖓᑦᓭᓇᐅᖕᖏᑐᖅ.
 

ᑐᒃᓯᕋᐅᑎᓕᐅᕈᓐᓇᓂᖅ

ᐊᑕᐅᓯᐅᑦᑎᑐᑦ ᑐᒃᓯᕋᐅᑎᓕᐅᕈᒪᑉᐸᑕ:

ᐊᑕᐅᓯᐅᑦᑎᑐᑦ ᑐᒃᓯᕋᐅᑎᓕᐅᕐᕕᖓ ᐊᓪᓚᕕᒋᓗᒍ ᐊᐅᓪᓚᑎᓗᒍᓗ ᐅᕗᖓ cfi.nrbhss@ssss.gouv.qc.ca.

ᐅᑯᓂᖓ ᐊᓪᓚᖁᑎᑕᖃᕆᐊᓕᒃ ᑐᒃᓯᕋᐅᑎᒃ:

  • ᓇᓗᓀᕐᓯᒍᑎᒥᒃ ᐃᓕᑕᕆᔭᐅᓂᖓᓂᒃ ᐃᓚᐅᒍᑎᖃᕐᓂᒧᑦ ᓄᓇᕕᒻᒥ, ᒪᑭᕝᕕᒥᑦ ᐱᔭᐅᓯᒪᔪᒥᒃ (ᑲᒃᑲᓛᑉ, ᐱᐊᕋᐅᑉ N number-ᖓᓂᒃ, ᐊᖓᔪᕐᖄᕆᔭᐅᔫᑉ N number-ᖓᓂᒃ, ᐊᓯᖏᓐᓂᓗ);
  • ᑐᓴᕐᑎᓯᒍᑎ ᑲᒃᑲᓛᑉ ᐱᐊᕋᐅᑉ ᐱᐅᓯᕆᖃᑦᑕᓯᒪᔭᖏᓐᓂᒃ ᑭᖕᖒᒪᒋᓂᕐᐹᖏᓐᓂᓗ;
  • ᐋᓐᓂᐊᕕᒻᒥ, ᐃᓕᓴᕐᕕᒥ ᐃᓅᓯᒃᑯᓘᓐᓃᑦ ᖃᐅᔨᓴᕐᑕᐅᓯᒪᓂᖓ ᓇᓗᓀᕐᓗᒍ ᓱᓇᐅᒻᒪᖔᑦ, ᐱᒍᑦᔭᐅᒍᑎᒋᒋᐊᓕᖓ ᐃᑲᔪᕐᓯᔭᐅᒍᑎᒋᒋᐊᓕᖓᓘᓐᓃᑦ ᑲᒃᑲᓛᑉ ᐱᐊᕋᐅᑉ ᑭᖕᖒᒪᒋᔭᖓᑎᒍᑦ;
  • ᐊᓪᓚᓯᒪᔪᓂᒃ ᐊᑎᓕᐅᕐᕕᓯᒪᔪᓂᒃᐅᓐᓂᑑᑎᓕᐊᒍᓯᒪᔪᓂᒃ ᖃᓄᐃᖕᖏᓯᐊᕐᓂᓕᕆᕕᒻᒥ ᐱᓇᓱᑦᑎᒧᑦ ᐃᓕᓭᔨᒧᓪᓘᓃᑦ ᐃᓄᓕᕆᔨᒧᓪᓘᓃᑦ ᑐᑭᓯᓇᕐᑎᓯᒍᑎᑕᓕᓐᓂᒃ ᕿᑐᕐᖓᕆᔭᐅᔫᑉ ᑭᖕᖒᒪᒋᔭᖏᓐᓂᒃ ᐋᓐᓂᐊᓯᐅᕐᑎᒪᕆᒻᒧᓗ ᖃᐅᔨᔭᐅᒍᑎᒋᓯᒪᔭᖏᓐᓂᒃ ᓱᓇᓪᓚᕆᒻᒥᒃ ᖃᓄᐃᒍᑎᖃᕐᒪᖔᑦ ᐱᒍᑦᔭᐅᒍᑎᑦᓴᖏᓐᓂᒃ ᕿᓄᓚᕿᒍᑕᐅᑦᓱᑎᒃ;
  • ᐱᒍᑦᔨᓂᐊᕐᓂᒧᑦ ᐊᑭᓕᐊᕆᓯᒪᔭᖏᓐᓂᒃ ᐱᓇᓱᑦᑎᐅᑉ ᐱᒍᑦᔨᓂᐊᕐᓂᕋᕐᓯᒪᔫᑉ.

ᐊᓯᖏᓐᓂᒃ ᐊᓪᓚᖁᑎᓂᒃ ᐃᓚᖃᕆᐊᖃᑐᐃᓐᓇᕆᐊᓕᒃ ᑐᒃᓯᕋᐅᑎᒃ.

ᐊᒥᓲᓈᕐᑎᑐᑦ ᑐᒃᓯᕋᐅᑎᓕᐅᕈᒪᑉᐸᑕ:

ᑲᒪᔪᖅ ᐊᒥᓲᓈᕐᑎᑐᓂᒃ ᑐᒃᓯᕋᐅᑎᓕᐅᕈᑦᔨᒍᓐᓇᑐᖅ ᐱᒍᑦᔨᒍᑎᐅᒋᐊᓖᑦ ᒪᓕᓪᓗᒋᑦ ᐊᑕᐅᓯᐅᑦᑎᑎᓪᓗᒋᓪᓗ ᕿᑐᕐᖓᕆᔭᐅᔪᑦ ᑐᒃᓯᕋᐅᑎᓕᐅᕈᑦᔨᓗᒋᑦ.

ᑐᒃᓯᕋᐅᑎᓕᐊᒍᓯᒪᔪᑦ ᓱᓇᒥᑦᓯᐊᑎᓪᓗᒋᑦ ᐅᕗᖓ ᑎᑭᑎᑕᐅᒍᓐᓇᑐᑦ  cfi.nrbhss@ssss.gouv.qc.ca.

ᐅᑯᓂᖓ ᐊᓪᓚᖁᑎᑕᖃᕆᐊᓕᒃ ᑐᒃᓯᕋᐅᑎᒃ:

  • ᓇᓗᓀᕐᓯᒍᑎᒥᒃ ᐃᓕᑕᕆᔭᐅᓂᖓᓂᒃ ᐃᓚᐅᒍᑎᖃᕐᓂᒧᑦ ᓄᓇᕕᒻᒥ, ᒪᑭᕝᕕᒥᑦ ᐱᔭᐅᓯᒪᔪᒥᒃ (ᑲᒃᑲᓛᑉ, ᐱᐊᕋᐅᑉ N number-ᖓᓂᒃ, ᐊᖓᔪᕐᖄᕆᔭᐅᔫᑉ N number-ᖓᓂᒃ, ᐊᓯᖏᓐᓂᓗ);
  • ᐱᐅᓯᕆᖃᑦᑕᓯᒪᔭᖏᑦ ᓱᓇᓪᓚᕆᓐᓂᓗ ᑭᖕᖒᒪᒋᔭᖃᕐᓂᖓ;
  • ᐋᓐᓂᐊᕕᒻᒥ, ᐃᓕᓴᕐᕕᒥ ᐃᓅᓯᒃᑯᓘᓐᓃᑦ ᖃᐅᔨᓴᕐᑕᐅᓯᒪᓂᖓ ᓇᓗᓀᕐᓗᒍ ᓱᓇᐅᒻᒪᖔᑦ, ᐱᒍᑦᔭᐅᒍᑎᒋᒋᐊᓕᖓ ᐃᑲᔪᕐᓯᔭᐅᒍᑎᒋᒋᐊᓕᖓᓘᓐᓃᑦ ᑲᒃᑲᓛᑉ ᐱᐊᕋᐅᑉ ᑭᖕᖒᒪᒋᔭᖓᑎᒍᑦ;
  • ᐊᓪᓚᓯᒪᔪᓂᒃ ᐊᑎᓕᐅᕐᕕᓯᒪᔪᓂᒃᐅᓐᓂᑑᑎᓕᐊᒍᓯᒪᔪᓂᒃ ᖃᓄᐃᖕᖏᓯᐊᕐᓂᓕᕆᕕᒻᒥ ᐱᓇᓱᑦᑎᒧᑦ ᐃᓕᓭᔨᒧᓪᓘᓃᑦ ᐃᓄᓕᕆᔨᒧᓪᓘᓃᑦ ᑐᑭᓯᓇᕐᑎᓯᒍᑎᑕᓕᓐᓂᒃ ᕿᑐᕐᖓᕆᔭᐅᔫᑉ ᑭᖕᖒᒪᒋᔭᖏᓐᓂᒃ ᐋᓐᓂᐊᓯᐅᕐᑎᒪᕆᒻᒧᓗ ᖃᐅᔨᔭᐅᒍᑎᒋᓯᒪᔭᖏᓐᓂᒃ ᓱᓇᓪᓚᕆᒻᒥᒃ ᖃᓄᐃᒍᑎᖃᕐᒪᖔᑦ ᐱᒍᑦᔭᐅᒍᑎᑦᓴᖏᓐᓂᒃ ᕿᓄᓚᕿᒍᑕᐅᑦᓱᑎᒃ;
  • ᐱᒍᑦᔨᓂᐊᕐᓂᒧᑦ ᐊᑭᓕᐊᕆᓯᒪᔭᖏᓐᓂᒃ ᐱᓇᓱᑦᑎᐅᑉ ᐱᒍᑦᔨᓂᐊᕐᓂᕋᕐᓯᒪᔫᑉ.

ᐊᓯᖏᓐᓂᒃ ᐊᓪᓚᖁᑎᓂᒃ ᐃᓚᖃᕆᐊᖃᑐᐃᓐᓇᕆᐊᓕᒃ ᑐᒃᓯᕋᐅᑎᒃ.

 **ᖃᐅᔨᒪᔭᐅᒋᐊᖃᕐᐳᖅ ᑐᒃᓯᕋᐅᑎᒃ ᐃᓄᓐᓅᓕᖓᑎᑕᐅᓯᒪᕋᑕᖕᖏᒪᑦ. ᐃᓄᓐᓅᓕᖓᑎᑕᐅᓕᑐᐊᕐᐸᑦ, ᙯᑦᓯᒍᓐᓇᓛᕐᑐᒍᑦ. ᑕᒐᑕᒐᐅᓂᖓᓂ, ᐊᓪᓚᖂᑎᑕᖏᑦ ᖃᓪᓗᓈᑎᑑᑐᐃᓐᓇᑐᑦ ᐅᐃᒍᐃᑎᑐᓪᓗ.
 

ᑐᒃᓯᕋᐅᑎᓕᐅᕈᓰᑦ

ᕿᒥᕐᕈᔭᐅᒐᔭᕐᑐᑦ ᑐᒃᓯᕋᐅᑏᑦ ᓄᓇᓕᓕᒫᓂ ᖃᐅᔨᒋᐊᕐᕕᓴᓕᐊᒍᓯᒪᔪᒧᑦ. ᕿᒥᕐᕈᔭᐅᒌᕐᓯᒪᓕᕐᐸᑦ, ᑐᑭᑖᕈᑕᐅᒐᔭᕐᑐᖅ ᐊᓪᓚᕕᐅᑎᓪᓗᒍ ᑐᒃᓯᕋᐅᑎᓕᐅᕐᑐᕕᓂᖅ. ᑐᒃᓯᕋᐅᑎ ᐊᖏᕈᑕᐅᓐᓂᖏᑉᐸᑦ, ᑐᑭᑖᕈᑕᐅᔪᓂᒃ ᑐᒃᓯᕋᐅᑎᓕᐅᕐᑐᕕᓂᖅ ᐊᖓᔪᕐᖃᐅᑎᐅᓂᕐᓴᓄᑦ ᕿᓄᒍᑎᖃᕈᓐᓇᑐᖅ ᑌᑲᓂ ᐊᕐᕌᒍᒥ ᑐᒃᓯᕋᐅᑎᓕᐅᕐᕕᒋᔭᕕᓂᕐᒥᓂ ᖃᖓᑐᐃᓐᓇᖅ.
 

ᑭᓇᒃᑯᑦ ᑮᓇᐅᔭᓂᒃ ᑎᑭᑎᑦᓯᕕᐅᒐᔭᕐᑐᑦ ?

  • ᑮᓇᐅᔭᓂᒃ ᐱᑎᑕᐅᒍᓐᓇᓲᖅ ᕿᑐᕐᖓᓕᒃ ᑲᒪᔨᓘᓐᓃᑦ ᐳᔮᕙᓐᓯᒥᓂ ᓄᓇᖃᕐᕕᒥᓂᓪᓘᓃᑦ ᐅᑭᐅᑭᓗᐊᕐᓂᕋᕐᑕᐅᐸᑦ ᕿᑐᕐᖓᖓ.
  • ᐱᒍᑦᔨᒍᑎᑖᕐᕕᐅᓲᖅ ᐱᒍᑦᔨᕕᐅᔪᕐᓘᓃᑦ ᑐᕃᓐᓇᑐᒃᑯᑦ ᑮᓇᐅᔭᓂᒃ ᐱᑎᑕᐅᒍᓐᓇᓲᑦ.
     

ᐅᑎᕐᑎᓯᕕᐅᒍᑎᑦᓭᑦ

ᐅᑎᕐᑎᓯᕕᐅᒍᒪᒍᑎᓂᒃ ᑐᒃᓯᕋᐅᑎᓕᐅᕐᑐᖃᕆᐊᓕᒃ:

  • ᐅᑎᕐᑎᑕᐅᖁᓗᒋᑦ ᐊᑮᑦ ᐊᑭᓕᕇᕐᓯᒪᔭᑎᑦ;
  • ᑐᕃᓐᓇᑐᒃᑯᑦ ᐊᑭᓕᕐᑕᐅᒍᒪᔪᖃᕈᓂ ᐊᑭᓖᒍᑎᑦᓴᓂᒃ ᐱᒍᑦᔨᒍᑎᑖᕐᕕᐅᓲᓂᒃ ᐱᒍᑦᔨᕕᐅᔪᓂᓪᓘᓃᑦ.

ᐅᑎᕐᑎᓯᕕᐅᒍᒪᒍᕕᑦ, ᑕᑲᒃᑯᐊ ᐊᑑᑎᒐᑦᓴᐅᕗᑦ:

  1. ᐅᑎᕐᑎᓯᕕᐅᒍᒪᒍᑎᒃ ᐊᓪᓚᕕᒋᓗᒍ (ᐊᓪᓚᕕᑦᓴᑕᖓᓂᒃ ᑎᑭᑎᑦᓯᒍᓐᓇᑐᒍᑦ ᐃᑲᔪᕈᓐᓇᓱᑕᓗ ᐊᓪᓚᕕᒋᓕᕈᕕᐅᒃ);
  2. ᐊᓪᓚᕕᒋᒌᕈᕕᐅᒃ, ᑎᑭᑎᓗᒍ ᐅᑎᕐᑎᓯᕕᐅᒍᒪᒍᑎᒃ ᐊᓪᓚᖁᑎᑕᕆᒋᐊᓕᖏᑦ ᐃᓚᐅᑎᓪᓗᒋᑦ ᖃᕆᑕᐅᔭᒃᑯ ᑐᕌᕈᑎᑦᑎᓄᑦ ᐊᓪᓚᓯᒪᔪᓃᑦᑐᑦ ᐊᖏᕈᑎᑕᓕᒻᒥ, ᐊᓪᓚᓯᐊᕐᓗᒍᓗ ᑲᒃᑲᓛᑉ, ᐱᐊᕋᐅᑉ ᐊᓪᓚᖁᑎᖏᑦᑕ ᑭᑎᑦᔪᑎᖓ.
     

ᑐᑭᓯᒋᐊᓪᓚᕈᒪᒍᑦᓯ, ᖃᐅᔨᒋᐊᕐᕕᓴᐅᔪᒍᑦ:

*ᑐᑭᓯᒋᐊᓪᓚᕕᑦᓭᑦ Jordan Principle -ᒨᓕᖓᔪᓂᒃ: https://www.sac-isc.gc.ca/fra/1568396042341/1568396159824