Introduction
ᐳᕐᑐᓂᓕᓐᓂ 4-ᒥᒃ, ᕿᑐᕐᙰᑦ ᐱᒻᒪᕆᓐᓂᒃ ᑲᐱᔭᐅᓂᖃᕈᓐᓇᕕᖃᓛᕐᑐᖅ ᐃᓕᓐᓂᐊᕕᒻᒥ ᑲᐴᕆᓂᖃᓕᕐᐸᑦ.
- ᑲᐱᔭᐅᓂᖃᕐᓗᓂ HPV-ᖑᓂᕋᕐᑕᒧᑦ ᓇᓕᒃᑳᑯᑦ ᐋᓐᓂᐊᑖᕇᒃᑯᑎᒧᑦ
- ᐊᑕᐅᓯᕐᒥᒃ ᑲᐱᔭᐅᒍᑎᖃᕐᓗᓂ ᑎᖑᓪᓘᓕᕇᒃᑯᑎᒧᑦ A
ᐅᑯᐊᑕᒐ ᑐᑭᓯᑎᑦᓯᒍᑎᐅᔪᑦ ᖃᓄᐃᑦᑑᒪᖔᑕ ᑲᐴᑏᑦ ᐊᒻᒪᓗ ᐋᓐᓂᐊᑖᖑᒍᓐᓇᑐᑦ ᑖᑯᓄᖓ ᑲᐴᑎᓄᑦ ᐅᖑᒪᔭᐅᒍᓐᓇᑐᑦ.
ᑲᐴᑎᒃ ᐹᒍᑎᒃ HPV-ᒥᒃ (ᖁᐱᕐᕈᑯᓗᒃ ᓱᕐᕃᓲᖅ ᑎᒥᑦᑎᓂᒃ ᐊᑦᔨᒌᖕᖏᑐᑎᒍᑦ)
ᑲᐴᑎᒃ ᐅᖑᒪᑦᓯᒍᑎᒃ HPV-ᒥᒃ ᓴᐳᒻᒥᒍᑎᐅᔪᖅ ᕿᑐᕐᖓᓂᒃ ᑲᒡᒍᑎᑖᖁᓇᒍ ᐊᑦᔨᒌᖕᖏᑑᒍᓐᓇᑐᓂᒃ (ᐃᓪᓕᐊᑉ ᐹᖓᒍᑦ, ᓇᓕᒃᑳᑯᑦ, ᐃᑎᒃᑯᑦ, ᖃᓂᒃᑯᑦ ᐃᒡᒋᐊᑯᓪᓗ). ᓴᐳᑦᔨᓯᒪᒍᑎᐅᒻᒥᔪᖅ ᓇᓕᒃᑳᑯᑦ ᐅᖕᖑᑖᕆᒃᑯᑎᐅᒐᒥ ᕿᑐᙰᑦ ᓱᕈᓯᐅᒐᓗᐊᕐᐸ ᓂᕕᐊᕐᓯᐊᖑᒐᓗᐊᕐᐸᓗᓐᓃᑦ, ᑲᐱᔭᐅᒪᒍᓂ ᓴᐴᓗᑕᓕᐅᕐᑕᐅᓯᒪᑦᓯᐊᓚᖓᔪᖅ HPV-ᑖᓚᕿᖁᓇᒍ ᐱᓀᓗᑕᐅᒍᓐᓇᑐᓄᓪᓗ ᓄᐃᕕᐅᖁᓇᒍ.
ᓱᓇᐅᕚ HPV ᐅᕝᕙᓗᓐᓃᑦ “papillomavirus”?
HPV ᐋᓐᓂᐊᑕᖑᒍᐊᕐᑐᒪᕆᒃ. ᑲᐱᔭᐅᒪᖕᖏᑐᓂ, ᐃᓄᐃᑦ ᓯᑕᒪᐅᑉᐸᑕ ᐱᖓᓱᑦ HPV-ᒥᒃ ᐋᓐᓂᐊᑖᕈᓐᓇᑐᑦ ᐊᑕᐅᓯᐊᕐᓗᑎᒃ ᐃᓅᓯᕐᒥᓂ.
HPV ᐃᕐᐸᓲᖅ ᓄᓕᐊᕐᓂᑯᑦ ᐊᑦᑐᔭᕐᓂᓚᕆᒃᑯᓗ
ᐊᒥᓲᓂᕐᓭᑦ ᐃᓄᐃ ᖃᐅᔨᒪᓲᖑᖕᖏᑐᑦ HPV-ᖃᕆᐊᒥᓂᒃ ᒪᓗᓐᓇᐅᑏᑦ ᓄᐃᓪᓗᐊᓲᖑᖕᖏᒪᑕ. ᐋᓐᓂᐊᒥᒃ ᐃᕐᐸᑎᕆᒍᓐᓇᑐᖅ ᖃᐅᔨᒪᖕᖏᓗᓂ
ᑌᒪᖕᖓᓕᒫᒐᓚᒃ, ᐃᓄᒃ ᖃᐅᔨᒪᓲᖑᖕᖏᑐᖅ HPV ᖃᕐᒪᖔᒻᒥ ᒪᓗᓐᓇᐅᑎᖃᓲᖑᖕᖏᒪᑦ. ᐃᓄᒃ ᑌᒣᑦᑐᒥᒃ ᐋᓐᓂᐊᓕᒃ ᐁᑦᑐᑑᑎᖃᕈᓐᓇᑐᖅ ᖃᐅᔨᒪᖕᖏᓗᓂ.
ᓱᒧᑦ ᐱᒻᒪᕆᐅᕙ ᐃᓅᓱᑦᑐᕕᖕᖓᐅᖏᓐᓇᓗᓂ ᕿᑐᕐᖓᒪ ᑲᐱᔭᐅᒋᐊᖃᕐᓂᖓ HPV-ᑖᕆᒃᑯᑎᒧᑦ?
HPV-ᑖᕆᒃᑯᑎᒃ ᑲᐴᑎᒃ ᐊᑑᑎᖃᑦᓯᐊᓂᕐᐹᖅ ᐱᐊᕋᖅ ᑲᐱᔭᐅᓯᒪᑐᐊᕐᐸᑦ ᐋᓐᓂᐊᑕᖃᓚᐅᕋᓂ
ᐱᐊᕃ 9 14-ᓗ ᐊᑯᓐᓂᖓᓂ ᐅᑭᐅᓖᑦ ᐋᓐᓂᐊᒥᒃ ᐸᒍᑎᖏᑦ ᑎᒥᖓᓂ ᑎᒍᓯᑦᓯᐊᓂᕐᓴᐅᓲᑦ ᑲᐴᑎᒥᒃ, ᐸᒍᓐᓇᐅᑎᑖᕆᑦᓱᒍ ᖃᓂᒪᒥᒃ.
ᓴᐳᑎᓯᒪᔭᐅᑦᓯᐊᖁᔨᒍᕕᑦ, ᐅᑕᕐᕿᑐᑦᓴᐅᖏᓪᓚᑎᑦ.
ᖃᓄᖅ ᕿᑐᕐᖓᕋᓂᒃ ᐅᖄᕕᖃᕈᓐᓇᖁᖓ HPV ᑲᐴᑎᐅᑉ ᒥᑦᓵᓄᑦ?
ᐅᖃᐅᑎᑐᐃᓐᓇᕈᓐᓇᑌᑦ ᐱᒻᒪᕆᐅᓂᖓᓂᒃ ᐱᐊᕃᑦ ᑌᒣᒃᑯᐊᖏᑦ ᑲᐱᔭᐅᒪᑦᓯᐊᕆᐊᖃᕐᒪᑕ, ᐋᓐᓂᐊᑖᕆᒃᑯᑎᒋᓂᐊᕐᑕᒥᓂᒃ ᐊᖓᔪᑦᓯᕈᒋᐊᕈᓂ.
ᖃᓄᖅ ᓴᐳᑦᔨᓯᒪᒍᓐᓇᖁᖓ ᕿᑐᕐᖓᕋᓂᒃ HPV-ᒥᒃ ᐋᓐᓂᐊᑖᖁᓇᒍ?
ᑲᐱᔭᐅᓂᖅ ᐱᐅᓂᕐᐸᐅᕗᖅ ᕿᑐᕐᙰᑦ HPV-ᒥᒃ ᐋᒻᓂᐊᑖᓚᕿᖁᓇᒍ ᐱᔭᕆᐊᑦᑐᕈᑎᒋᒍᓐᓇᑕᖏᓐᓄᓗ ᓱᕐᕋᑕᐅᖁᓇᒍ.
ᓱᒨᑦ ᐱᐊᕃᑦ ᑲᐱᔭᐅᒋᐊᖃᑦᓴᕆᕙᑦ HPV-ᑖᕆᒃᑯᑎᒧᑦ ᐅᑭᐅᑭᑦᑐᐊᐱᐅᖏᓐᓇᓗᑎᒃ?
ᐱᐅᓂᕐᐸᐅᕗᖅ ᐱᐊᕃᑦ ᑲᐱᔭᐅᓯᒪᑲᐱᑐᐊᕐᐸᑕ ᑕᑦᓱᒧᖓ ᖁᐱᕐᕈᒧᑦ ᐊᑦᑐᑕᐅᓯᒪᖕᖏᓂᖏᓐᓂ, ᓄᓕᐊᕆᐅᕐᓂᐅᓚᐅᕐᑎᓇᒋᑦ. ᑲᐱᔭᐅᒪᑦᓯᐊᕈᑎᒃ ᓴᐳᑎᓯᒪᔭᐅᑦᓯᐊᕈᓐᓇᓂᐊᕐᑐᑦ ᐃᓅᓯᓕᒫᒥᓂ.
ᑭᓯᐊᓂ, ᖃᐅᔨᒪᒋᑦ ᑖᓐᓇ ᑲᐴᑎᒃᕐ ᐃᓗᓐᓀᓂᒃ HPV-ᑦᓴᔭᕐᓂᒃ ᐅᖑᒪᒍᓐᓇᖏᒻᒥᒪᑦ (ᐊᒥᓱᐊᓘᒻᒪᑕ 100 ᐅᖓᑖᓃᑦᑐᑦ) ᐅᕝᕙᓗᓐᓃ ᐊᓯᖏᓐᓂ ᓄᓕᐊᕐᓂᑯᑦ ᐋᓐᓂᐊᑖᖑᓲᓂᒃ ᐅᖑᒪᒍᑎᐅᒐᓂ. ᐅᓲᑉ ᐳᖓ ᐊᑐᕐᑕᐅᓯᐊᖃᑦᑕᕆᐊᓕᒃ.
HPV-ᒧᑦ ᑲᐴᑎᒃ
HPV-ᒧᑦ ᑲᐴᑎᒃ ᐊᑑᑎᖃᑦᓯᐊᑐᖅ ᐹᒍᑕᐅᒍᓐᓇᕋᒥ ᐊᑦᑕᓇᕐᑐᒪᕆᓐᓂᒃ ᖁᓕᐅᖕᖏᒐᕐᑐᓂᒃ HPV-ᖑᒍᓐᓇᑐᓂᒃ.
ᑖᒃᑯᐊ ᑲᐴᑏᑦ 100%-ᒥᒃ ᐊᑑᑎᖃᑦᓯᐊᑐᑦ ᐸᒍᑎᑦᓴᔭᓕᐊᖑᒪᑦᓱᑎᒃ ᐊᑦᔨᒌᖕᖏᑐᓂᒃ HPV-ᓂᒃ, ᐱᓗᐊᕐᑐᒥᒃ ᑲᐱᔭᐅᑲᐱᑦᓯᒪᔪᓄᑦ ᓄᓕᐊᕆᐅᕐᓂᕈᖕᖏᓂᖏᓐᓂ.ᑲᐱᒍᑎ ᓄᓕᐊᕐᓂᑯ ᖁᐱᕐᕆᓯᒪᐅᑎᒧᑦ ᐊᑦᑕᓇᖕᖏᑐᑦ.
ᐊᑕᐅᓯᖅ HPV-ᒨᓕᖓᔪᖅ ᑲᐴᑎᒃ ᓇᒻᒪᑐᖅ ᓴᐳᑦᔨᓯᒪᒍᑎᐅᓚᖓᓗᓂ ᐹᒍᑕᐅᓗᓂ ᑕᒪᒃᑯᓂᖓ ᖁᐱᕐᕈᑯᓗᓐᓂᒃ ᐱᓀᓗᑕᐅᒍᓐᓇᑐᓂᓪᓗ.
ᖃᐅᔨᓴᐅᑎᐅᖃᑦᑕᓯᒪᔪᑦ ᖃᐅᔨᒍᑎᐅᓯᒪᕗᑦ ᓴᐴᓗᑦᓯᓯᒪᓂᖅ HPV-ᑖᕆᒃᑯᑎᒧᑦ ᐱᓀᓗᑦᓯᒎᓐᓇᓂᖓᓄᓪᓗ ᐊᑯᓂᕐᑐᒥᒃ ᓴᐳᒻᒥᓂᖃᓲᖅ ᖁᓕᑦ ᐊᕐᕋᒍᐃᑦ ᐊᒥᓱᒐᓓᑦ, ᑲᐱᔭᐅᒋᐊᓪᓚᓂᒃᑯᑦ ᓱᖑᓯᓴᕆᐊᓪᓚᑕᐅᒋᐊᑐᕋᓂᓗ ᐊᖓᔪᑦᓯᕈᕐᓯᒪᓕᕈᓂ.
ᓱᓀᑦ ᓱᕐᕋᓗᑲᒍᑎᐅᑐᐃᓐᓇᕆᐊᖃᕐᖃᑦ ᑲᐱᔭᐅᔪᖃᕈᓂ HPV-ᑖᕆᒃᑯᑎᒧᑦ ?
ᑖᒃᑯᐊ ᑲᐴᑏᑦ ᐹᒍᑎᐅᔪᑦ HPV-ᒥᒃ ᐊᑦᑕᓇᖕᖏᑐᑦ. ᒪᓗᓐᓇᐅᑎᐅᒍᓐᓇᑐᑦ ᐃᑉᐱᓂᐊᕈᑕᐅᒍᓐᓇᑐᓪᓗ ᑲᐱᔭᐅᔪᕕᓂᐅᓗᓂ ᐃᓱᒫᓗᓐᓇᖏᑦᑐᑦ ᐊᓂᒍᑦᓴᐅᑎᖏᓲᖑᑦᓱᑎᓪᓗ.
ᖃᐅᔨᒪᔭᐅᔪᑦ ᑲᐳᑎᐅᑉ ᓱᕐᕃᓂᕆᓲᖏᑦ:
- ᐊᒥᓲᓂᕐᓴᓂ (ᐅᓄᕐᓂᓭᑦ 50%-ᖏᑦ ᐃᓄᐃᑦ): ᒣᓪᓘᓕᓲᑦ ᑲᑉᐳᒥᒍᑦ;
- ᑌᒪᖕᖓᓕᒫᖅ (ᐃᑭᓐᓂᓭᑦ 50%-ᖏᑦ ᐃᓄᐃᑦ): ᐊᐅᐸᓗᑦᓯᓲᑦ, ᐳᓪᓕᓕᕐᓱᑎᓪᓗ ᑲᑉᐳᒥᒍᑦ;
- ᑌᒪᖕᖓᑦ(ᐃᑭᓐᓂᓭᑦ 10%-ᖏᑦ ᐃᓄᐃᑦ):ᑲᑉᐱᒥᒍᑦ ᐅᖏᓚᓐᓂᖅ, ᐆᓇᕿᓂᖅ
ᓱᒃᕋᑕᐅᓪᓗᐊᖏᑐᑦ ᑎᒥᖓᒍᑦ ᑲᐱᔭᐅᒌᕐᓯᒪᓕᕐᓱᓂ ᓄᐃᓱᖑᖕᖏᑐᖅ ᑭᓯᐊᓂ ᕈᓐᓇᓱᓂᐅᒐᓗᐊᖅ. ᑕᕝᕓᓈᐱᒃ,ᐃᑉᐱᓂᐊᓕᑦᓴᐅᑎᒋᒍᓐᓇᑐᖅ ᑲᐱᔭᐅᕋᑖᕐᓂᒥᓂ. ᑌᓐᓇ ᑲᐱᓯᕋᑕᕐᑐᖅ ᑕᕓᓇᖅ ᐋᓐᓂᐊᓯᐅᕆᒍᓐᓇᑐᖅ ᑌᑲᓃᖏᓐᓇᑎᓪᓗᑎᑦ.
ᑎᖑᓪᓗᓕᕇᒃᑯᑎᒃ A-ᒥᒃ ᑲᐴᑎᒃ
ᓱᓇᐅᕙ ᑎᖑᓪᓗᓂᖅ A ᖃᓄᕐᓗ ᐃᕐᐹᓲᖑᕙ?
ᑎᖑᒃᑯᑦ ᐋᓐᓂᐊᑖᖑᓲᖅ, ᐊᒥᓱᒐᓓᑦ ᐊᑦᔨᒌᖕᖏᑐᑦ ᑎᖑᓪᓗᓕᕐᓂᐅᒍᓐᓇᑐᑦ, ᑖᓐᓇ A-ᖑᓂᕋᕐᑕᖅ ᐃᓚᒋᔭᐅᑎᓪᓗᒍ, ᖁᐱᕐᕈᑯᓗᒻᒧᑦ ᑌᒣᓚᕿᔭᐅᓲᖅ, ᑖᓐᓇ ᐋᓐᓂᐊᑖᕆᔭᐅᒍᓂ ᐊᑦᑕᓇᕐᑑᓚᕿᒍᓐᓇᑐᖅ, ᑎᖑᒻᒥᒃ ᓱᒃᑯᐃᓗᓂ, ᑕᖃᒣᓐᓇᑎᑦᓯᓗᓂ ᐅᕝᕙᓗᓐᓃᑦ ᑌᒪᖕᖓᓕᒫᖑᖕᖏᑑᒐᓗᐊᖅ ᑐᖁᓚᕿᒍᑎᐅᒍᓐᓇᒥᑦᓱᓂ. ᑎᖑᕐᓗᓇᖅ A ᐃᕐᐸᓲᖅ ᓂᕆᔪᕕᓂᐅᔪᖃᕐᐸᑦ ᓂᕿᒥᒃ ᓱᒃᑯᒥᒃ ᐅᕝᕙᓗᓐᓃᑦ ᓱᓇᑐᐃᓐᓇᑎᒍᑦ ᖁᐱᕐᕈᑯᓗᑦᑕᓯᓯᒪᔪᕐᑎᒍᑦ.
ᖃᐅᔨᒋᐊᑦᓯᐊᕈᒪᒍᕕᑦ ᑎᖑᕐᓗᓇᐅᑉ A ᒥᑦᓵᓄᑦ ᐅᕗᖓ ᑕᑯᒋᐊᕈᓐᓇᑐᑎᑦ:
ᖃᓄᖅ ᕿᑐᕐᖓᕋ ᓴᐳᑎᓯᒪᒍᓐᓇᖃᕋ ᑎᖑᕐᓗᓯᖁᖕᖏᓗᒍ A-ᒧᑦ?
ᑲᐱᔭᐅᒪᓂᖅ ᓴᐴᓗᑕᑦᓯᐊᖑᓂᕐᐹᖅ ᑕᑦᓱᒥᖓ ᖃᓂᒪᑖᕆᒃᑯᑎᐅᓗᓂ.
ᑎᖑᓪᓗᓕᕇᒃᑯᑎᒃ A-ᒥᒃ ᑲᐴᑎᒃ:
ᑎᖒᑉ ᐋᓐᓂᐊᖓᓄᑦ ᑲᐱᒍᑎ ᐊᑦᑕᓇᖕᖏᑐᖅ. ᐊᑐᕐᑕᐅᓕᕐᑐᖅ ᐊᒃᕌᒍᓂᒃ 25-ᓂᒃ ᐅᖓᑖᓄᑦ. ᐃᑉᐱᓂᐊᓚᕿᐅᑎᒋᒍᓂᐅᒃ ᐃᓱᒫᓗᓐᓇᖏᑦᑐᖅ ᐊᑯᓂᐅᖏᑐᖅ ᐃᑉᐱᓂᐊᕈᓀᓴᐅᑎᒋᒐᔭᕐᑐᖅ
ᓱᓀᑦ ᓱᕐᕋᓗᑲᒍᑎᐅᑐᐃᓐᓇᕆᐊᖃᕐᖃᑦ ᑲᐱᔭᐅᔪᖃᕈᓂ ᑎᖑᓪᓗᕇᒃᑯᑎᒧᑦ A-ᒥᒃ?
ᑎᖑᓪᓗᕇᒃᑯᑎᒃ A-ᒥᒃ ᐊᑦᑕᓇᖕᖏᑐᖅ. ᒪᓗᓐᓇᐅᑎᐅᒍᓐᓇᑐᑦ ᐃᑉᐱᓂᐊᕈᑕᐅᒍᓐᓇᑐᓪᓗ ᑲᐱᔭᐅᔪᕕᓂᐅᓗᓂ ᐃᓱᒫᓗᓐᓇᖏᑦᑐᑦ ᐊᓂᒍᑦᓴᐅᑎᖏᓲᖑᑦᓱᑎᓪᓗ.
- ᐊᒥᓲᓂᕐᓴᓂ (ᐅᓄᕐᓂᓭᑦ 50%-ᖏᑦ ᐃᓄᐃᑦ): ᒣᓪᓘᓕᓲᑦ ᑲᑉᐳᒥᒍᑦ;
- ᑌᒪᖕᖓᓕᒫᖅ (ᐃᑭᓐᓂᓭᑦ 50%-ᖏᑦ ᐃᓄᐃᑦ): ᐊᐅᐸᓗᑦᓯᓲᑦ, ᐳᓪᓕᓕᕐᓱᑎᓪᓗ ᑲᑉᐳᒥᒍᑦ; ᓂᐊᖁᖕᖑᓕᓲᑦ, ᓄᑭᓕᕆᓲᑦ, ᑕᖃᒪᓯᓲᑦ;
- ᑌᒪᖕᖓᑦ(ᐃᑭᓐᓂᓭᑦ 10%-ᖏᑦ ᐃᓄᐃᑦ):
ᓱᒃᕋᑕᐅᓪᓗᐊᖏᑐᑦ ᑎᒥᖓᒍᑦ ᑲᐱᔭᐅᒌᕐᓯᒪᓕᕐᓱᓂ ᓄᐃᓱᖑᖕᖏᑐᖅ ᑭᓯᐊᓂ ᕈᓐᓇᓱᓂᐅᒐᓗᐊᖅ. ᑕᕝᕓᓈᐱᒃ,ᐃᑉᐱᓂᐊᓕᑦᓴᐅᑎᒋᒍᓐᓇᑐᖅ ᑲᐱᔭᐅᕋᑖᕐᓂᒥᓂ. ᑌᓐᓇ ᑲᐱᓯᕋᑕᕐᑐᖅ ᑕᕓᓇᖅ ᐋᓐᓂᐊᓯᐅᕆᒍᓐᓇᑐᖅ ᑌᑲᓃᖏᓐᓇᑎᓪᓗᑎᑦ.